Petro Poroshenko

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Si Petro Poroshenko

Si Petro Oleksiyovych Poroshenko (Ukrainian: Петро Олексійович Порошенко; namundag Septyembre 26, 1965) sarong Ukranyong bilyonaryong negosyante asin iyo an nabotohan na presidente kan Ukranya. Si Poroshenko nagin Ministro sa Relasyon Pangluwas kan 2009 abot 2010, asin Ministro sa Komersyo asin Ekonomikong Pangkauswagan kan 2012. Siya nagin man Pamayo kan Konseho kan Banko Nasyonal kan Ukranya nin tolong taon, 2007-12. Nabansagan siyang "Hade nin Tsukolate" huli ta igwa siyang negosyo nin dulsehan asin iba pang mga negosyo. Sa eleksyon kaining Mayo 25, 2014, nasikwit niya an sobra sa 54% boto sa enot na hurnada, bagay na dai na kaipohan magkaigwa nin pangaduwang eleksyon asin siya na an pigdeklarang guminana.[1]

Mga enot na taon[liwaton | liwaton an gikanan]

Namundag sa siyudad nin Bolhrad, Odessa Oblast,[2] si Poroshenko nagdakula sa siyudad nin Vinnytsia sa sentral kan Ukranya. An saiyang ama, si Alexey Poroshenko, sarong inhenyero mekanikal, tapos sa Lviv Agrticultural Institute kan 1959 asin nagtrabaho bilang pamayong inhenyero sa asosasyon distrito nin mga makinaryang agrikultural kan Bolhrad poon 1959 abot 1974. An saiyang ina, si Yevgenya Poroshenko (1940-2004), nagtrabaho man sa Bolhrad. Siya nagtapos kursong Ekonomiks sa Kiev State University kan 1989.[3]

Mga negosyo[liwaton | liwaton an gikanan]

Si Poroshenko nagpatindog nin negosyo sa pagtindang kakaw. Kan mga 1990, nabakal niya an kontrol kan magkapirang mga negosyong dulsihan rogaring kan estado na ngapit binilog niya sa sarong palakaya inapod na Grupong Roshen asin ini pinagbunga kan pinakadakulang pabrika sa Ukranya. Huli kaini, nabansagan siyang "Hade nin Tsukolate". Alagad an negosyo ni Poroshenko bako sana sa dulsihan kundi sarong imperyo na kabali diyan an mga planta paggibong awto asin bus, an astillera sa Leninska Kuznya, an 5 Kanal na telebisyon channel asin iba pang mga palakaya. Kan Marso 2012, an magasin na Forbes ibinugtak siyang ika-1,153 na lugar sa lista nin mga bilyonaryong may asset na $1.6 bilyon. An Forbes man sinasabi siyang ika-7 sa pinakamayaman sa Ukranya.[4][5][6]


Toltolan[liwaton | liwaton an gikanan]