Pistang kalag

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Pintura nagpapaheling kan Aldaw nin mga Santo
Paratindang burak sa Aldaw nin Pistang Kalag

An Pistang kalag o Todos los Santos iyo an aldaw nin mga santo na sa Ingles inaapod na All Saints' Day, All Hallows, o Hallowmas. Ini tuyong rinorokyaw sa petsa 1 kan Nobyembre o enot na semana kan Pentekostes sa pagromdom kan gabos na mga santo , midbid man o dai. Iyo man ini an aldaw na an mga Kristiyano, orog na an mga Katoliko, yaon an pag'arang sa mga partikular na santo o sa kagabsan sainda, sa paghagad tabang para sa mga espiritwal o temporal na pangangaipo. Inaapod man sa Ingles na Halloween, ini man an sinasabing bisperas sa Pista nin mga Gadan (o, Pistang gadan) kun saen an kustombre nin pagdulot nin mga pamibi para sa mga kalag kan mga nagadan na soboot yaon pa nawawalat sa purgatoryo, sarong tradisyon sa katolikong Filipinas asin sa ibang nasyon kun saen pinapraktis an Kristianismo; ini natotongod sa petsa 2 kan bulan na Nobyembre.

Kaugalean kun pistang kalag[liwaton | liwaton an gikanan]

Sa Filipinas, bilang katolikong nasyon, an mayoriya naruso sa mga sementeryo sa pagdulot nin mga burak asin pamibi sa mga sadiringtawo na binawean na nin buhay.

May tradisyon man kan sinasabing "karalagan" kun saen bisperas kan kaaldawan ginigibohan nin kalwag an mga kabiristo siring sa pag'ikit sa kataid o pagtago kan mga bagay sa kataraid na harong bilang pagromdom kan kaaldawan. Alagad, an siring na praktis medyo pawara na asin uso na sana sa mga baryo.

Toltolan[liwaton | liwaton an gikanan]