RMS Titanic

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An RMS Titanic, an pighuna na daing lubogan na bapor

An RMS Titanic sarong pampasaherong liner na nakabangga sa sarong iceberg sa saiyang primerong byahe haleng Southampton, Inglatierra pasiring Nuweba York kan Abril 14, 1912. Huna dai pwedeng maglubog pero kan Abril 15, nagburoburo sana sa irarom kan dagat, na ikinagadan nin 1,517 katawo. Sinasabing an pangyaring ini saro sa maritimong disaster sa historya nin paglayag sa dagat. Ipigbungsod an bapor kan Abril 10 lunad an 2,223 katawo. Maliwanag na an nakaligtas sana sa trahedya 706 katawo.

Pinakadakulang boque de vapor na sa kinaban, an RMS Titanic pagsasadiri kan White Star LIne asin ini pigtogdok sa astillero kan Harland asin Wolff sa Belfast, Irlandya. Kadakul na marhay an nagadan huli ta an bilang kan salbabida tama sana sa 1,178 katawo, asin mas dakul an nagadan na kalalakihan huli ngani sa polisiya na "mga babae saka mga aki" ngona an dapat enoton na iligtas.

An Titanic pigdesenyo kan mga beteranong mga inhinyero, na gamit an pinakamodernong teknolohiya asin mga probadong paagi ngane ligtas an pagbabyahe. Huli sa saiyang paglubog sa enot pa sanang byahe, asin huli ta an mga nakadamay sa trahedya mga prominenteng tawo, asin orog pa ta an mga huringhuding na naglakop dakulang istorya kan mga panhon na idto, ini gabos nagresulta sa mga paghira sa ley maritimo asin sa daing-patod na interes sa paglubog kan Titanic.

An komparasyon kan mga ibang bagay sa sukol kan Titanic
An ruta kan Titanic

Mga panluwas na takod[liwaton | liwaton an gikanan]

Hilinga man[liwaton | liwaton an gikanan]

The Oasis of the Seas