Raffles Place
Raffles Place | |
|---|---|
| Mga transkripsyon nin Ngaran | |
| • Chinese | 莱佛士坊 |
| • Pinyin | Láifóshì Fāng |
| • Malay | Pesara Raffles |
| • Tamil | ராஃபிள்ஸ் பிளேஸ் |
 | |
.svg)  Raffles Place An lokasyon kan Raffles Place sa laog nin Singapore | |
| Tagboan: 1°17′03.94″N 103°51′04″E / 1.2844278°N 103.85111°E Tagboan: 1°17′02″N 103°51′05″E / 1.28389°N 103.85139°E | |
| Nasyon | Singapore |
| Pamamahala | |
| • Mayor | Central Singapore CDC
|
| • Miyembro kan Parliament | Jalan Besar GRC |
An Raffles Place iyo an sentro kan Distrito Pinansyal nin Singapore asin nasa habagatan kan nguso kan Salog Singapore. Enot ining pigplano asin namukna kan 1820 bilang Commercial Square tanganing magserbing sentro kan komersyal na sona nin Singapore sa Raffles Town Plan. Pinagngaranan ining Raffles Place kan 1858 asin ngunyan iyo na an lugar kan magkapirang mga mayor na bangko. Mananagboan ini sa Downtown Core sa laog kan Sentral na Area, asin tampok an pira sa pinakahalangkaw na mga edipisyo asin landmarks kan nasyon.
Kasaysayan[baguhon | baguhon an source]
Kapinunan[baguhon | baguhon an source]
An kagmukna kan modernong Singapore, si Sir Stamford Raffles, tuyong an Singapore magin "dakulang komersiyal saodan". Bilang parte kan saiyang plano, nagtao siya nin mga instruksiyon kan 1822 na igwa nin lugar para sa komersiyo na gigibuhon sa habagatan-subangan kan Salog Singapore.[1] An Garrison Engineer na si Lieutenant R.N. Philip Jackson, pinapagbungsod nin sarong Plano nin Banwa nakabase sa mga instruksyon ni Raffles. An lugar na ini nin komersyo nakasentro sa Commercial Square, asin namukna poon 1823 abot 1824.
Igwa nin sadit na bulod na orihinal na nakatindog sa pag-oltan kan Commercial Square and Battery Road. Sa irarom kan superbisyon ni Raffles, pinantay an bulod, asin dangan piggagamit an daga kaini sa pagremedyo sa mabaybay na pampang sur kan Salog Singapore, na nahimo bilang lugar nin Boat Quay asin Circular Road. An Commercial Square ginibo bilang sarong kahiwasan 200 yarda an laba na may 50 yarda an lakwas, may sadit na hardin sa tahaw.[2] An daga sa palibot kan plasa ipinabakal paagi sa pag-subasta sa $1,200 asin $1,500 an pidaso.[2] Kan magbugtak nin mga negosyo pankomersyo sa lugar; duwa- asin apat-na-eskalon na edipisyo an itinogdok sa palibot kan plasa, istaran nin mga opisina nin saudan, bangko asin kompanya sa pagnegosyo.[3]
Kan 8 Marso 1858, an Commercial Square binansagan na Raffles Place sa pag-onra ki Raffles. An parteng habagatan kan plasa dakul an mga godown(warehouse) na may mga jetties kun saen pwede magkarga asin magdiskarga nin direkta sa mga baroto arog kan yaon sinda kaidto sa gilid kan dagat. Kan 1858 abot 1864, nahira an daga sa parteng habagatan kan Raffles Place poon Doongan nin Johnston sagkod Saod Telok Ayer. An pinaghiraan nin daga nagin Collyer Quay, ipinangaran sa Pamayong Inhenyero George Collyer na iyo an nagpoon kan pagtugdok kaini. An pagpahiwas nagbutas sa mas dakulang lugar na designado para sa komersyo, asin nagganyat nin dakol pang negosyo arog tingi na tindahan asin mga bangko.[3]
Komersyo asin tingi na tindahan[baguhon | baguhon an source]
An lugar iyo an nagigin kinamumugtakan kan mga bantogan na tingian na tindahan kan ika-19 siglo. An pinakagurang na [department store] sa Singapore an John Little napatindog kan 30 Agosto 1842 sa Commercial Square.[4] An Robinsons, saro pa sa mga amay na departamentong tindahan, enot na itinindog sa Raffles Place kan 1858 bilang sarong "pamilyang bodega". Ilinipat an Robinson sa ibang lugar nin pirang beses bago nagbalik sa Raffles Place kan 1891. Itinindog naman enot an Whiteaway Laidlaw sa Kalye D'Almeida kan 1900 bago magbalyo sa Stamford House, dangan sa Battery Road kan 1910. An Alkaff Arcade, an enot na panlaog na arcade na tindahan kan Singapore na may darang mga paninda hale sa tongodan nin Collyer Quay pasiring sa Raffes Place, itinogdok kan 1909. sarong tindahan nin Intsik, an Oriental Emporium, binuksan sa ibong kan Robinsons kan 1966.
An kaenot-enoteng bangko na nagpunsionar sa Commercial Square iyo an Oriental Bank, Chartered Mercantile Bank kan Indya, Londres asin Tsina (na nagin HSBC), Chartered Bank of India, Australia and China (na kan huri nagin Standard Chartered), asin an Asiatic Banking Corporation. Kan kaamayan kan ika-20ng siglo, nagpoon an industriya nin pagbangko sa Singapore. An mga bangko lokal, nakikitusay sa mas darakulang bangko na may hababang interes asin kakultura kan saindang mga parokyano. Poon 1950, nagpanibago nin lebel an liga nin pagbangko sa Singapore, kan an Bangko kan Amerika nag-establisar digdi kan 1955 sa 31 Raffles Place, asin Bangko kan Tsina sa kataid na Tinampong Battery.[3]
Durante kan Giyera Mundial II, kabilang an Raffles Place sa mga lugar na tinamaan kan bomba nin kagpitong parabombang Hapon na iyo an naggibo kan inot na pagsakyada sa eroplano sa Singapore kan 8 Disyembre 1941 durante kan Ralaban sa Malaya. An pananakop kan mga Hapon sa Singapore temporaryong hinale an haraning komersial na pag-uswag nin Raffles Place.[3]
Sentrong pinansyal[baguhon | baguhon an source]
Kan mga taon 1960 asin 1970, an mga paratindang tingian nagpoon na humale sa lugar nin Raffles Place pasiring sa mga lokasyon arog kan High Street, Tinampong North Bridge asin Tinampong Orchard, asin sinalidahan nin mga harong pinansyal saka mayor na bangko. An departamento kan Whiteaway Laidlaw na tindahan sa Battery Road kinua kan Bangko nin Malayan 1962, asin pag-abot nin panahon ginaba ini sa pagpatugdok kan Tore nin Maybank kan 1998. Ibinalyo man an Robinsons sa Tinampong Orchard pagkatapos na laglagon an dakulaon na edipisyo kaiyan sa saro kan pinakagrabeng kasulo sa kasaysayan nin Singapore kan 1972, asin an kataed kaining Overseas Union Bank naghiwas pasiring sa lugar na iyan dara kan pagtogdok nin bagong tore kan 1986. Ipinabakal an edipisyo nin John Little kan 1973 asin ginaba.[4]
An enot na underground na parke nin awto sa Singapore piggibo kan 1965 sa irarom kan Raffles Place. Sinalidahan ini kan 1980s nin Raffles Place MRT station, na nagbukas kan Disyembre 1987. Mahihiling sa istasyon an mga detalye hali sa 1911 facade kan lumang edipisyo nin John Little.
An Raffles Place ngonyan nasasakop kan mga skyscraper, dakul kaini mga pinakahalangkaw na edipisyo sa Singapore kun saen yaon nakakaag an pangenot na bangko. An tore nin United Overseas Bank nahaman kan 1974 sa lumang lugar nin Bonham Building, na ngapit pinahirahay asin napahiwas pasiring sa UOB Plaza. An iba pang mga tore arog kan Singapore Land Tower, Clifford Centre, Ocean Building, OUB Centre, asin Republic Plaza sinalidahan man an mas daan na mga edipisyo.[3] An tulong pinakahalangkaw na edipisyo sa Singapore yaon sa Raffles Place sagkod kan pagkatugdoki nin Tanjong Pagar Centre kan 2016.[5]
Mga notableng edipisyo[baguhon | baguhon an source]
An mga mayor na edipisyo an yaon sa Raffles Place, kaiba igdi an UOB Plaza, One Raffles Place, Republic Plaza, Singapore Land Tower asin OCBC Centre. An Fulleron Hotel Singapore, sarong hotel sa pinahirahay na lumang edipisyo kan General Post Office, an bantogan na icon nin turista an Merlion, asin an ultra modernong durian na korte na Art Centre Esplanade Theatre yaon harani. An stock exchange nin Singapore - an Singapore Exchange - yaon man sa palibot. Nagkapirang mayor na edipisyo administratibo sa Singapore, arog Harong kan Parlamento, an Korte Suprema asin City Hall yaon namomogtak sa amihanan sa ibong kan salog, alagad bakong parte kan Raffles Place. An pinakagurang na Templong Teochew, Yueh Hai Ching Temple na pigtugdok kan 1826 asin sa presente pigmamanehar man kan Ngee Ann Kongsi harani man sa Raffles Place.
Transportasyon[baguhon | baguhon an source]
An pan-irarom na Panggabosan na Rapid Transit station, an Raffas Place MRT, direkta yaon sa irarom kan sentro nin Raffles Place, asin saro ini sa mga panginot na pampublikong takod kan Raffles Place pasiring sa sistemang transport kan Singapore. Pigdadalagan man kan mga bus an kalabaan kan Raffles Place.
Reperensya[baguhon | baguhon an source]
- ↑ Charles Burton Buckley (1902). An anecdotal history of old times in Singapore. pp. 81–86.
- ↑ 2.0 2.1 Charles Burton Buckley (1902). An anecdotal history of old times in Singapore. pp. 88–89.
- ↑ 3.0 3.1 3.2 3.3 3.4 Singapore's 100 Historic Places. National Heritage Board. Archipelago Press. 2002. pp. 44–45. ISBN 981-4068-23-3.
- ↑ 4.0 4.1 Leow, Annabeth. "John Little to close final outlet at Plaza Singapura: 174 years of history at a glance". The Straits Times. http://www.straitstimes.com/singapore/john-little-to-close-final-outlet-at-plaza-singapura-174-years-of-history-at-a-glance.
- ↑ "Tanjong Pagar Centre set to be tallest building at 290m". The Straits Times. 3 May 2013. http://www.straitstimes.com/singapore/tanjong-pagar-centre-set-to-be-tallest-building-at-290m.
Plantilya:Places in SingaporePlantilya:Singapore skyscrapers