Santuario nin Nuestra Señora de Peñafrancia

Gikan sa Bikol Sentral na Wikipedia, an talingkas na ensiklopedya
An Lumang Santuario ni Inang Peñafrancia (2010)

An Santuario nin Nuestra Señora de Peñafrancia (Ingles: Shrine of Our Lady of Peñafrancia, sa hinayokong na arapodan kan mga Bikolano, "Si Ina") ikinaag kuwenta harong kan ladawan ni Ina sa dakulang pag-onra saiya kan mga deboto niya.

Pagpatogdok[baguhon | baguhon an source]

An Santuario natogdok kan enot gibo sana sa kawayan asin gogon. Alagad kan 1711, nakapagibo si Pading Miguel Robles de Covarrubias nin santuario na alabes simbahan na pinahaman na niya sa gapo. An santuario pinadakula ni Obispo Ysidoro De Arevalo kan siya an nakatukaw na obispo sa Nueva Caceres (1740-1751).[1]

An Lumang Santuario ni Ina (1740-50)
An Lumang Santuario ni Ina (1740-50)

An atubangan kaini (surungan) pinagibo asin ginastosan kan si mga Kaiinsikan sa Nueva Caceres asin siring man ginagastosan ninda an pagoda,[2] o an sakayan ni Ina (kan enot inaapod ining Sampan[3] gikan sa tataramon na Intsik).[4] An mga kaakian kan mga Insik kaidto digdi sa Simbahan kan Peñfrancia pinapabunyagan.[5] Kaya su enot na surungan makikita an desenyo sa Insik asin siring man makikita mga pinggan, mga tapayan na ladawan na sa kurit kurit asin arte kan mga Insik. An mga lalawgon man kan mga santo santa may pagka-singkit asin bako kun anoman, ini patotoo kan malaad na pagdebosyon kan si mga katolikong Insik ki Ina na ogma lang sinda gumastos para saiyang kaomawan.

Sa gabos na Obispo, si Msgr. Francisco Gainza an Dominikanong padi an dakul ambag sa debosyon kan mga Bikolano. Siya an nagsurat kan enot na oosipon manongod sa pagdebosyon ki Ina. Naggibo man siya nin nobenaryo para sa pagpangadye ki Ina, pinalaba niya an atubangan kan edipisyo nin limang metro asin siya pa an nagdesenyo kan atubangan. Sagkod ngonyan siring pa man an hitsura.

Ngani permanente an pag-asikaso sa santuario, nagbugtak si Obispo Gainza kan katongdan na an trabaho iyo an mag'ataman kan Santuario. An enot na capellan igdi na nakatala sa rekord iyo si M.R.P. Vicente Garcia. Sa laog kan periodo 1865-1878 siya an capellan.

Ngonyan (2008) an Santuario sakop na kan Paroko nin Peñafrancia asin an nagkakapot na kura paroko kaini iyo si Padre Jerry Hernandez. Makukua an Santuario sa poro kan Peñafrancia Avenue, igdi sa Siyudad kan Naga, harani sa pagdolonan kan Barangay San Felipe.

Kataytayan nin mga ladawan[baguhon | baguhon an source]

  • Imahen ni Inang Peñafrancia
    Imahen ni Inang Peñafrancia
  • An luwas kan Simbahan
    An luwas kan Simbahan
  • An laog kan Simbahan
    An laog kan Simbahan
  • Kisame
    Kisame

Toltolan[baguhon | baguhon an source]

  1. ↑ Abella, Domingo. Bikol Annals, p.100
  2. ↑ Peñafrancia 1985: Solemn Elevation Basilica Minore de Nuestra Señora de Peña de Francia, p. 24
  3. ↑ sampan, sa Ingles, "a small flat-bottomed Chinese river boat." Toltolan: Webster's Universal Dictionary and Thesaurus. Geddes & Grosset. 2006.David Dale House. New Lanark.Scotland, p.455. Kapôngalan kan katagâ: Origin: 1610–20; < Chin sānbǎn three-plank (boat), or < cognate dial. forms [ http://dictionary.reference.com/browse/sampan] Alagad, direktang naguno' sa mga Insik ta mayo pa an mga Amerikano igdi, ginagamit na kan mga gugurang na taga-Naga.
  4. ↑ Perez, Jose B. Builder of Ina’s pagoda Bicolmail (Pighúgot 2009-09-14)
  5. ↑ Peñafrancia 1985: Solemn Elevation Basilica Minore de Nuestra Señora de Peña de Francia, p. 24

Hihilingan[baguhon | baguhon an source]

  • "The History of Peñafrancia", sarong artikulo surat ni Father Florencio C. Yllana, na nagluwas sa Peñafrancia Souvenir Program, September 1941
  • The "Crown" and "Aureolas" of the Virgin of Peñafrancia", sarong artikulo sa Peñafrncia 1985. Hilnga boklit 51.

Mga panluwas na takod[baguhon | baguhon an source]

Hilingon man[baguhon | baguhon an source]

Kinua sa "https://bcl.wikipedia.org/w/index.php?title=Santuario_nin_Nuestra_Señora_de_Peñafrancia&oldid=260151"