Sona Sero

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An sona sero sa lugar kun saen nagrogmok an Twin Tower sa Nuweba York

An Sona Sero sa Ingles (Ground Zero) nagtotongod sa punto kan ibabaw nin kinaban kun saen iyo an nalagarto nanggad kan pagboag kan anoman na bagay na puminutok. Kun sa ayre puminutok, an daga giraray natotongod sa lugar nin pagboag iyo an sinasabing Sona Sero.

Parati, an terminong ini rapot sa mga eksplosyon nuklear asin sa bombang labilabing dakula o sobrang kusog an pagputok. Alagad, an pananaram na ini pinapatongod man sa mga linog, mga epidemya asin mga disaster sa pagtanda kan lugar kun saen nagbunga an pinakamakuring danyos o pagratak.

Trinity, Hiroshima, asin Nagasaki[liwaton | liwaton an gikanan]

Nagpoon paggamit kan terminong ini, "sona sero" sa Proyektong Manhatan asin sa Pagbomba kan Hapon kan Hunyo 1946 na sinasabi, ngane simple an paliwanag, inapod na "sona sero" si natotongod na daga na kun saen sa itaas kaini iyo an punto nin pagboag kan si bomba.[1] Si William Laurence, sarong reporter damay sa Proyektong Ma nhattan, nagsabi na an "Sero" pangaran na kodigo pinatongdan sa eksaktong lugar na napili para sa pagprobar pagpaputok nuklear duman sa Trinity Island kan taon 1945..[2]

Sa Diksyunaryong Ingles nin Oxford, sa nakitang paggamit kaini sa sarong report kan New York Times kan 1946, dapit sa narogmok na syudad nin Hiroshima, pinagta'wan kahulogan an "sona sero" bilang "iyo an parte kan daga' na natongod na gayo sa irarom kan punto nin pagboag, orog na sa sarong eksplosyon atomiko."

An termino saro man na slang militar, ginamit duman sa lugar kan Trinity kun saen nakatindog an torre na tinakodan kan su muklear na bomba na yaon nanggad sa "puntong sero", asin an siring na pag'usar naglakop pakatapos sana kan Ika-2ng Gerang Pangkinaban. Sa Hiroshima, an epicentro kan atake tinongod nanggad sa Ospital Shima.

NagasakiHypocentre.jpg
                • Panoramikong pagtanaw kan monumentong nagtatanda kan epicentro, o sona sero, kan si pagputok kan bomba atomika sa Hiroshima

An Pentagon[liwaton | liwaton an gikanan]

Cafe Ground Zero sa sentrong natad kan Pentagon.

An An Pentagon, kwartel kan U.S. Department of Defense sa Arlington, Virginia iyo an pighuna na target nin sarong misileng nuklear kan panahon nin Gerang Malipot (Cold War). An sentrong natad kaini iyo an pig'aarapod-apod na sona sero, asin sarong isnakan an nakakaag igdi ngonyan, binansagan man ngane na "Cafe Ground Zero". [3]

An World Trade Center[liwaton | liwaton an gikanan]

Poon kan an sinasabing Twin Tower sa Nweba York nagrumpag gibo kan winasak ini kan duwang eroplano na tuyong pinabonggo' igdi asin buminoag nin daing siring, an lugar na narogmokan inapod na kan mga parabareta enot, asin nag'arog na an gabos, na bansagan ining "sona sero".


Mga panluwas na takod[liwaton | liwaton an gikanan]


Toltolan[liwaton | liwaton an gikanan]

  1. U. S. Strategic Bombing Survey: The Effects of the Atomic Bombings of Hiroshima and Nagasaki. June 19, 1946. President's Secretary's File, Truman Papers. Page 5.
  2. William L. Laurence, Dawn over Zero (London: Museum Press, 1947), 4.
  3. "Pentagon Hot Dog Stand, Cold War Legend, to be Torn Down". United States Department of Defense. September 20, 2006. http://www.defense.gov/news/newsarticle.aspx?id=1049. Retrieved on 2010-05-06. "'It's rumored that a portion of their (Soviet) nuclear arsenal was directed at that building, the Pentagon hot dog stand,' tour guides tell visitors as they pass the stand. 'This is where the building earned the nickname Cafe Ground Zero, the deadliest hot dog stand in the world.'"