Tingo

An apat na canines, o tingo, kan sarong domestikadong ikos. (An pinakadakulang duwang ngipon sa taas asin ibabang hilera nin ngipon.)

An tingo (Ingles: fang) iyo an sarong halaba asin mapanas na ngipon. Sa mga mamalya, an tingo iyo an binagong maxillary na ngipon, na ginagamit sa pagkagat asin pagbaak kan laman. Sa mga halas, saro ining espesyal na ngipon na kaayon sa glandula nin kamandag (hilingon an kamandag kan halas). An mga lawa igwa man nin panluwas na mga tingo, na kabtang kan chelicerae.

An mga tingo komun na gayo sa mga karnivores o omnivores, alagad an ibang herbivores, arog kan mga paniking nagkakakan nin prutas, igwa man kaini. An kadaklan na iyan ginagamit sa pagkapot o sa marikas na paggadan sa biktima, arog baga nin sa mga darakulang ikos. An mga hayop na omnivores, arog baga kan mga oso, ginagamit an saindang mga tingo kun naghahanap nin sira o iba pang biktima, alagad dai iyan kaipuhan para sa pagkakan nin prutas. May mga kabalang man na igwang mga tingo, na gamit ninda sa mga peligro asin paglalaban. Minsan siring, an medyo halipot na mga canine nin mga tawo dai ibinibilang na mga tingo.