Tomas Pinpin

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon

Si Tomas Pinpin binibisto na pinakaenot na Pilipino-Intsik na parasurat asin nabansagan siyang "Prinsipe nin Paralalagdang Filipino."

Dai aram kun soarin siya namundag ta daing rekord magpapatotoo alagad ginagaom na siya namundag sa pag'oltan kan taon 1580 abot 1585 sa Abucay, Bataan.

Nag'adal siya sa paglalagda' kan mga taon 1608 sa sarong imprentahan na pagsasadiri kan mga pading Dominiko. An imprentahan na ini nababaro-balyo mala ta ini enot yaon namugtak sa Calle San Gabriel (na dangan nangaranan man na Calle Juan Luna, idtong pintor) kun saen yaon duman an simbahan asin kumbento kan mga prayleng Dominiko.

Igdi sa imprentahan na ini saiyang nalagda' kan taon 1610 an kaenot-enoteng libro dapit sa tataramon na Tagalog, an "Arte y Reglas de Lengua Tagala", obra ni Fray Francisco Blancas de San Jose. Kan 1612 nalagda' niya man an libro ni Padre San Buenaventura, an Vocabulario de Lengua Tagala.

An magkapira pang nalagda' niya iyo an mga minasonod:

  • Relacion de Martirio (1625)
  • Carreras Triumpo (1626)
  • Lopez Arte Ilocano (1627)
  • Herreras Confessionario (1636)
  • Perez Re1acion (1639), ki Padre Perez de Jesuita P. Mastrillo.

Dai aram kun kasuarin man siya nagadan.

Mga pag'onra saiya[liwaton | liwaton an gikanan]

Bilang siya an enot na Pilipino na may adal sa pag'imprenta, saiya ipinagaran an kalye ngonyan na T. Pinpin sa sarong distrito kan Manila, asin sarong monumento man an ipintindog diyan sa Plaza Cervantes sa mapadangat na pagromdom saiya.


Mga hihilngan[liwaton | liwaton an gikanan]