Washington SyCip
| Washington SyCip | |
|---|---|
 SyCip sa Club Filipino sa San Juan kan 2008 | |
| Kamundagan | 30 Hunyo 1921 |
| Kagadanan | 7 Oktobre 2017 (edad 96) Pacific Ocean; Between Manila and Vancouver |
| Mga bantayog | Washington SyCip Park, Makati |
| Dinakulaan | North Forbes Park, Makati |
| Alma mater | University of Santo Tomas Columbia University |
| Trabaho | Accountant, Negosyante |
| Agom | Anna Yu |
| Mga aki | Vicky George Robert |
| Mga magurang | Albino SyCip Helen Bau SyCip |
Si Washington Z. SyCip, PLH BOLk RNO1kl (30 Hunyo 1921 – 7 Oktobre 2017) sarong Filipino-Amerikano na accountant asin sarong pilantropo. Siya an kagtogdas kan Asian Institute of Management asin katuwang-kagmukna kan accounting firm na SGV & Company.
Mga enot na taon[baguhon | baguhon an source]
Si Washington SyCip namundag kan Hunyo 1921 ki Albino asin Helen SyCip. An saiyang pangaran daa ginuno sa lugar na Washington ta kan siya inaki natongod an mga magurang niya yaon na gayo sa estadong ini. An mga amay na mga taon siya nag'erok sa Shanghai, Tsina, dangan naghurubo sa Filipinas an mga magurang niya asin siya pina'entra sa Padre Burgos Elementaqry School asin sa Mapa HIgh School. Talentado, siya nagloktaw nin tolong grado kan yaon siya sa elementarya. Si SyCip nakua an kurso sa komersyo sa Unibersidad nin Sto. Tomas summa cum laude sa edad na 17 . Nagtokdo siya sa UST manta pigkukua an kurso masterado. Nakapasar siya sa board exam para sa Certified Public Accountants sa edad lang na 18. Kan 1940, diretso siya sa Amerika ta maklase sa Columbia University sa Nweba York ngani matapos niya an post-graduate degree alagad, nalapag na siya kan Ikaduwang Gerang Pankinaban. Nakumpleto man niya kuta an gabos na karabuhaton sa adal niya maliban sa saiyang dissertation
Kagadanan[baguhon | baguhon an source]
Si SyCip nagadan sa tahaw kan Dagat Pasipiko manta na nakasakay sa eroplanong PAL Flight No. 126. na byaheng pasiring Vancouver, Kanada. Kaiba niya sa byahe an aki niyang si George asin katiwalang si Roberto Cabilles ta siya masumpay pang byahe paghaleng Kanada pasiring sa Nweba York. [1]
Pag'onra/Pamana[baguhon | baguhon an source]
An Washington Sycip Park sa Makati, Metro Manila, ipigngaran sa pagromdom asin pag'onra saiya sa ika-85 niyang kamundagan [2]
An pamanang walat niya iyo an SGV & Company na saiyang katuwang-tinogdas, an pinakadakulang accounting firm sa Filipinas kan siya nagtalikod.
