Punggod

An punggod ^[1]^[2] (Ingles: pimple, acne) sarong ludog nabutwa sa kublit resulta kan impeksyon huli sa malana asin maati na glandula. Kun sobrang maati ini nagatok padagos asin nanana'. May natipon na garo mata-mata na dai dapat ngane pilsion ta pwede orog na masurip.^[3]

Kawsa

An kublit igwang mga pinong-pinong mga labot (alisngawan) na sa irarom kaini may inaapod na glandula sebasceas na nagpoprodusir nin "sebum". Pag an soknong nin mga selula kan kublit nagrarakdag, ini pwedeng magdukot sa sebum na naresulta sa pagkasulat kan mga alisngawan kan kublit (pore, Ingles) asin nasasaray sa laog. An sebum sinasabing dakul an dinadarang bakterya arog kan Propionibacterium acnes. Pagnatipon ini naresulta sa impeksyon asin paggatok sa kublit. Iyo na ini an sinasabing mga punggod.^[4]

Pagbulong

An punggod nalilinig sa kublit sa paglahid nin mga bulong na krema o likido arog kan benzoyl peroxide asin salicylic acid ^[5] asin mga anti-bakterya panguragod igdi. Bago ilahid an mga siring kaipohan ngona magpuramos sa pandok nin maimbong na tubig. An pirming malinig an kublit, na mayo lantad sa mga alpog o mga ati na madurukot sa kublit, asin an paglahid kan maninigong panglahid o panghaplas igdi, madaling magwara an mga punggod.

May bulong pa man na bakong antibiotic, an inapod na Nicotinamide (bitamina B3) mas magayon ta orog na napasarama sa kublit asin mayong naresultang pila'.

Igwa man mga pagbulong na natural sana asin hale sa prutas o mga ordinaryong kakanon sa harong. Saro na diyan an apple cider vinegar, an tangguli na sinalakan cinnamon asin ilahid, an tangguli na pigtimpla sa gatas asin ihaplas man sa may punggod, an kaputian kan sugok na pigbati saka idorodotdot sa mga ponggod, an pigrunot kan hinog nin tapayas na iguragod sa lalawgon, an pigrunot na ubak kan aranghita asin tinimpla sa tubig na ilalahid sa apektado kan punggod asin man an ubak daa kan batag pwedeng ipaggosgos sa pandok, dangan maghalat nin mga 30 minuto bago magpuramos.^[6]

Tamang paglinig sa kublit

An regular na paghugas sa mga lugar kan kublit na pwedeng sarayan nin mga garadan nang mga selula kaini asin paghaplas kan mga maninigong pampalinig sa kublit ngane mahale an mga durukot-dukot na mga ati na madara nin impeksyon, mga lakdang na malilikayan an pagtalubo kan mga punggod. Totoo dai man pirmi mahale an punggod, orog na kun an lawog sobrang nagtitipon an mga lana-lana na pigdukotan ati asin nakakabara sa mga alisngawan kan kublit.

Toltolan

↑ punggod. Adrados, Jerry Escoto. Daratangan Na Olay. Common Language of the Bikolnon. Other Option Promotions. Tabaco City. 2012. p. 302. ISBN 978-971-95468-0-1
↑ punggod. Mintz, Malcolm W. Bikol Dictionary. Volume II. Bikol-English Dictionary. Uniprint. Perth, Western Australia. 2004. p. 806 ISBN 0 9580383 5 X
↑ http://naturalremedyideas.com/get-rid-of-pimples/ kinua 11-7-16
↑ http://www.medicalnewstoday.com/articles/71702.php kinua 11-7-16
↑ http://health.howstuffworks.com/skin-care/cleansing/tips/get-rid-of-body-acne1.htm kinua 11-7-16
↑ http://everydayroots.com/acne-remedies kinua 11-7-16

Pinopoonan an artikulong ini. Makakatabang ka sa Bikol Wikipedia sa pagparambong kaining pahina.

[1] unggod. Adrados, Jerry Escoto. Daratangan Na Olay. Common Language of the Bikolnon. Other Option Promotions. Tabaco City. 2012. p. 302. ISBN 978-971-95468-0-1

[2] unggod. Mintz, Malcolm W. Bikol Dictionary. Volume II. Bikol-English Dictionary. Uniprint. Perth, Western Australia. 2004. p. 806 ISBN 0 9580383 5 X

[3] ttp://naturalremedyideas.com/get-rid-of-pimples/ kinua 11-7-16

[4] ttp://www.medicalnewstoday.com/articles/71702.php kinua 11-7-16

[5] ttp://health.howstuffworks.com/skin-care/cleansing/tips/get-rid-of-body-acne1.htm kinua 11-7-16

[6] ttp://everydayroots.com/acne-remedies kinua 11-7-16

[1]

[2]

[3]

[4]

[5]

[6]