Wikipedia Takes Rinconada
An Wikipedia Takes Rinconada sarong pakontes sa potograpiya na ginibo sa Syudad nin Iriga asin mga banwaan sa ikalimang distrito kan Camarines Sur. Nagin katuyohan kan aktibidad na makuanan nin ladawan asin bidyo an mga bantog na lugar asin mga bagay-bagay na minapamidbid kan kultura kan Rinconada na erokan kan labi sa 500,000 mga parataram kan Rinconada Bikol. Haros 2,000 na mga ladawan kaiba an mga bidyo an natipon sa Wikimedia Commons asin ngunyan talingkas na magagamit na nin siisay man.
Saro ini sa 4 na komunidad kan Wikimedia Philippines (WMPH) sa nasyon na itinutulod an talingkas, bukas asin buhay na kaaraman. Opisyal na minidbid kan Kabtang an komunidad kan Abril 27, 2012 tanganing magin katuwang sa pagpaurog kan mga proyektong Wikimedia sa lokal na mga tataramon kan rehiyon.
Para sa mga kahapotan asin suhestyon, magbali sa mga grupo kan komunidad sa social media.
Makisumaro
Sa pagtuwang sa samuya, makakaambag ka nin panahon, kabatiran asin katibayan tanganing matabangan asin maagda an mga tao na mag-rimpos asin magpaurog nin mga pampagtukdo na laog na talingkas na magagamit siring man maihihiras sa kinaban. An saindong tabang dai sana matao nin mahiwas na dalan sa pag-abot sa impormasyon sa maarabot na henerasyon alagad makakatao man nin maibong asin magayagayang eksperyensya.
Bikol Wikipedia 10 sa Ateneo de Naga UniversityMga Bikolanong paraambag sa Wikipedia sa Syudad nin Iriga WikiTutorial sa Sentral na Bikolanong Unibersidad nin Estado kan Agrikultura Mga paratukdo asin estudyante na nag-ambag sa Philippine Climate Change Translate-a-thon An WikiProyekto Siyensya na naitampok sa Philippine Institute of Chemical Engineers - Junior Chapter Luzon (PIChE-JCL) Fair 2021
Mga proyektong Wikimedia
An Wikimedia Foundation, sarong non-profit na organisasyon na nagpapadalagan kan nagkapirang multilinggwal asin talingkas na laog na mga proyekto, kabali an Wikipedia, an talingkas na ensiklopedya na nangagin saro sa mga pinakabantog na websityo sa kinaban.
Sa mga tataramon na Bikol, an minasunod iyo an ipigpapabantog asin ipigpapaurog kan komunidad:
