Amerika nin Norte

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
Mapa kan kinàban na ipinapahiling an kinamomogtakan kan Amerika nin Norte

Amerika nin Norte iyo an kontinente sa kinàban na nyaon sa gamping sulnopan kaini. Sakop kan kotinente an 24,490,000 km² (o 9,450,000 m²) o halos 4.8% kan kagabsan na ibabaw na parte kan kinàban (o 16.4% kan kadagaan na parte kaini). Poon kan Octobre 2006 an mga nag-eerok digdi luminampas nang 514 milyon. Ini an ikatolo sa pinakadakulang kontinente sunod sa Asya asin Aprika, asin ikaapat sa pinakamatawo sunod sa Asya, Aprika asin Europa. Americas o mga Amerika kun apodon an Amerika nin Norte asin Amerika nin Sur.

Ginikanan kan ngaran[liwatón | liwaton an gikanan]

An Amerika Norte asin Amerika nin Sur akô kan kadaklan na ipinangaran sa Italyanong ekplorador na si Amerigo Vespucci kan Aleman na kartograpista na si Martin Waldseemüller. Si Vespucci an enot na Europeo na nagsuhestyon na an Americas bakô an East Indies alagad sarong bâgong kinàban dati nang dae nadiskobre kan mga Europeo. Sya man an enot na makadiskobre kan Amerika Sur asin mga kabukidan sa Amerika Sentral.