Atok, Benguet

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Mapa kan Benguet na ipinapaheling an namomogtakan kan Atok
Sensus nin Populasyon kan
Atok, Benguet
Census Populasyon +/-
199013,853
199514,8621.4%
200016,6572.48%
200719,2532.02%
201019,242-0.01%
201519,6680.30%

An Atok sarong ikaapat na klaseng banwaan sa probinsya nin Benguet, Filipinas. Susog sa senso kan 2015 nageerok igdi an 19,668 katawo.

Heograpiya[liwaton | liwaton an gikanan]

An Atok may dagang kahiwasan na 22,385 na ektarya. Dakulang palna' kan daga, bukidbukidon. Yaon sa banwaan na ini an pinakahalangkaw na parte kan Sistemang Tinampo kan Filipinas sa 7,400 na pie lampas sa lebel kan dagat.

An Atok natatanga nanggad sa pinakapuso kan probinsya nin Benguet. Sa amnayan, napagdolonan ini kan Kibungan asin Bugulas, sa subangan napapagdolonan ini kan Kabayan asin kan Bokod, sa solnopan natataidan ini kan Kapangan asin sa habagatan, natataidan kan Tublay.

Huli ta ini an saro sa bukidnon na mga banwaan kan Benguet, parati tinatamaan kan sobrang malipot na panahon, na nagratak nin grabe sa mga gulayon na pananom.

Agi-agi[liwaton | liwaton an gikanan]

An pangaran kan banwaan naggikan mansana sa May Patok shi chontog na boot sabihon sa alitoktok.

Kan umaboton an mga Amerikano, pinagmarhay kan Komisyonado kan Filipinas, sa Pagboot Nu. 48 na ibaranga an sub-probinsya nin Benguet sa 19 banwaan: Baguio, La Trinidad, Galiano, Itogon, Tublay, Atok, Kapangan, Balakbak, Palina, Ampusongon, Loo Kabayan, Bugulas, Adaoay, Bokod, Daklan, Sablan, Kibangan asin Ambuklao.

Kan 1909, an banwaan kan Baguio ginibo nang sarong chartered city asin an bilang kan mga banwaan kan Benguet nagdikit, pero an Atok dai man nahira an estado.

Kan ika-2ng Gerang Pangkinaban, am Atok nagin lugar nin makuring pagsagupaan kan mga Hokbo nin Komunwelt kakampi kan mga Gerliyang Pilipino asin kan Hokbong Imperyal nin Hapon huli kan dagang kamugtakan kaini sa tinampong Halsema na magayon tambangan sa nagaaraging mga tropang Hapon. An lugar na ini ngonyan inapod nang Guerilla Saddle sa may km. 26, sa Caliking, Atok.


Mga Barangay[liwaton | liwaton an gikanan]

Pagsisinarom sa Atok


An Atok nababanga sa 8 barangay.

  • Abiang
  • Caliking
  • Cattubo
  • Naguey
  • Paoay
  • Pasdong
  • Poblacion
  • Topdac

Mga panluwas na takod[liwaton | liwaton an gikanan]

Selyo kan Provincia nin Benguet
Mga Syudad asin Banwaan kan Benguet
Mga Syudad: Baguio (independiente)
Mga Banwaan: Atok | Bakun | Bokod | Buguias | Itogon | Kabayan | Kapangan | Kibungan | La Trinidad | Mankayan | Sablan | Tuba | Tublay

Tagboan: 16°35′N 120°42′E / 16.583°N 120.700°E / 16.583; 120.700

Mga kategorya:Mga banwaan kan Benguet