Jump to content

Super Bagyong Yolanda

Gikan sa Bikol Sentral na Wikipedia, an talingkas na ensiklopedya
(Nakatukdo hali sa Bagyong Yolanda)
Sobrang kusog na Bagyong Yolanda (Haiyan)
Bagyo (JMA scale)
Category 5 super typhoon (SSHWS)
Si Bagyong Yolanda paglaog kan Filipinas kadtong ika-7 nin Nobyembre 2013
NabuoNobyembre 3, 2013 (2013-11-03)
Nawara.
Duros10-minute sustained: 230 km/h (145 mph)
1-minute sustained: 315 km/h (195 mph)
Pressure895 hPa (mbar); 26.43 inHg
(Pigtatantya)
Mga gadan6,300 kumpirmado
Mga danyos$2.05 billion (2013 USD)
(Pangenot na kabuuan)
Apektadong lugar
Parte kan Panahon nin bagyo sa norteng-sulnupan na Pasipiko kan 2013

An Super Bagyong Yolanda (Pagtatalagang pankinaban: Bagyong Haiyan, Kategoriyang pangaran na: Pambabaye) sarong makusog na bagyong nanalasa sa katahawan kan Filipinas kadtong Nobyembre 2013. An Haiyan sa tataramon na Intsik (海燕), boot sabihon petrel. Ini an saro sa pinakamakusog na bagyong naitala sa kinaban,[1][2] asin an panduwang makusugon na bagyong naitalang nagtama sa Filipinas, na tuminigbak sa dae bababa sa 3,976 katawo.[3]

Nagkawsa nin halawig na pagkaraot an bagyo sa Filipinas, lalo na sa Isla kan Samar asin Leyte, kun saen pigtatantya kan gobernador na dae bababa sa 10,000 katawo an natigbak sa syudad pa lang kan Tacloban alagad sa opisyal na report kan gobyerno 6,300 an nagkagaradan.[4][5]

Pagpreparar

[baguhon | baguhon an source]

Filipinas

[baguhon | baguhon an source]
An dalan kan Bagyo
Grapo na nagpapahiling sa kusog kan bagyo sa pag-agi nin oras

Nagtalaga an mga kinauukulan kan mga pulis sa Kabikolan bilang pagpreparar sa bagyo.[6] Sa mga probinsiya nin Samar asin Leyte, Pigkansela an mga klase, asin sapiritang pig-ibakuwar an mga namamanwa na nag-eerok harani sa mga harababang lugar dangan sa mga lugar na pwedeng maghuros an daga.[7] Maaagihan man nin bagyo an pirang lugar na piglinog sa Bohol. [8] Iminungkahi kan Presidente kan Filipinas na magpadara nin mga eroplano dangan helikopter sa mga rehiyong pig-aasahang maapektaran nin bagyo.[9] Nin huli ta sa marikas na paghiro kan bagyong Yolanda, naglangkaw nin paisi an PAGASA sa manlaen-laen na probinsiya sa nasyon. Pigtatantyang nasa 60 na probinsiya kabali na an Punong Rehiyon sa mga tinawanan nin paisi.[10]

Biyetnam

[baguhon | baguhon an source]

Kan Nobyembre 8, pigtaas ni Punong Ministro kan Bietnam na si Nguyen Tan Dung an pinakahalangkaw na estado nin pagprepreparar sa nasyon.[11] Pigtatantyang 600,000 katawo sa kalakhang kasuran asin katahawang mga probinsiya an pig-ibakuwar mantang 200,000 man sa norteng mga probinsiya. Nagpadara nin mga paisi sa 85,328 mga sakayang pandagat, na igwang kabuuang bilang nin mga tripulanteng nasa 385,372 katawo, na maglayag sa mga ligtas na dalan parayo sa bagyo. Nagpadara man nin kamawotan sa Tsina, Malaysia, Indonesya asin Filipinas natabangan an mga parasirang mangangaipuhan nin masirungan gikan sa bagyo.[12] Dae makulang sa 460,000 mga sunldaldos asin iba pang kinauukulan an pigwarak tanganing giyahan asin magtabang sa pag-ibakuwar.[12] Gatos-gatos na mga byaheng pang-ere an pigkansela sa bilog na nasyon mantang pigsara an mga eskwelahan kan Nobyembre 11. Pig-onra ni Pratibha Mehta, an lokal na tagapangasiwa kan UN an pagprepreparar na piggibo kan gobyerno kan Bietnam.[11] Alagad, igwang mga reklamo an kadaklan kan mga residente na huri nang naipaanunsyo an paisi.[13]

Resulta

[baguhon | baguhon an source]

Filipinas

[baguhon | baguhon an source]
An pagkukumparar na animasyon gikan sa satelityo kan pagkawara nin kuryente sa Kabisayaan pagkatapos magtama kan Bagyong Yolanda.

Kan Nobyembre 11, pigsairarom an mga probinsiya nin Aklan, Capiz, Cebu, Iloilo, Leyte, Palawan, asin Samar sa state of national calamity, tanganing tugutan an gobyerno na gamiton an mga pondo sa pagheheras nin tabang asin pagpapanibagong buhay dangan tanganing mapugol an paghiro kan mga presyo nin mga pangenot na bakalon.[14] Dagdag kaini, pigtatantyang ₱30.6 milyon (US$700,000) an piglaan kan NDRRMC para sa pagtabang. Igwang pinagsararong 18,177 katawo, 844 sakayan, 44 sakayang pandagat, asin 31 sakayang pang-ere an pigpawarak kan lokal asin nasyunal na gobyerno para sa manlaen-laen na mga operasyon.[15]

Halawigan na pagkadistruso sa imprastraktura sa enterong rehiyon an nagtaong sulirang lohistikal na sobra na nagpahaloy sa pagtatao nin tabang. Bagaman ipiglupad an mga tabang paduman sa lokal na palayogan, nagmantinir ining yaon duman nin huli ta namantinir na sarado an mga agihang paluwas.[16] Segun sa pagtantya kadtong Nobyembre 13, pigtatantyang 20 porsyento lang kan naapektaran sa populasyon kan Syudad nin Tacloban an nakakua nin tabang. Nin huli ta sa kawaran nin malinig na tubig, pigkalot kan pirang mga residente an tubo nin tubig asin pinakalaga-kaga tanganing mabuhay. Ribo-ribong mga tawo an mawot na maghali sa syudad sa paagi kan pagsakay sa eroplanong C-130, alagad an haluyon na proseso an nagdagdag sa saindang pagsasakit.

Toltolan

[baguhon | baguhon an source]
  1. ↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na cnn
  2. ↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na independent
  3. ↑ http://ndrrmc.gov.ph/attachments/article/1125/NDRRMC%20Update%20-%20Sitrep%20No%2025%20re%20Typhoon%20Yolanda.pdf
  4. ↑ Sunshine Lichauco de Leon and Calum MacLeod (November 11, 2013). "Horror stories as 10,000 feared dead in Typhoon Haiyan". USA Today. Retrieved November 11, 2013. 
  5. ↑ Joey Gabieta (January 9, 2014). "More bodies turning up in Tacloban". Philippine Daily Inquirer. Asia News Network. Archived from the original on January 25, 2014. Retrieved January 21, 2014.  Unknown parameter |url-status= ignored (help)
  6. ↑ Ellalyn B. De Vera and Aaron B. Recuenco (November 6, 2013). "Super Typhoon 'Yolanda' may hit Visayas Friday". Manila Bulletin. Retrieved November 7, 2013. 
  7. ↑ FR Jimenez (November 7, 2013). "PNoy, nagbabala sa seryosong peligrong dala ng 'super typhoon' na si 'Yolanda'". GMA News. Retrieved November 7, 2013. 
  8. ↑ Joey Gabieta, Jani Arnaiz, Nestor Burgos, Doris Bongcac, Carla Gomez, Carmel Loise Matus and Jhunnex Napallacan (November 7, 2013). "Evacuation centers, rescue plans set in Visayas for supertyphoon Yolanda". Inquirer. Retrieved November 7, 2013. 
  9. ↑ Kristine Angeli Sabillo (November 7, 2013). "Aquino: PH ready to face supertyphoon 'Yolanda'". Inquirer. Retrieved November 7, 2013. 
  10. ↑ ANC (November 7, 2013). "'Yolanda' accelerates, signal number 4 up over parts of E. Visayas". ANC and Yahoo. Archived from the original on February 8, 2015. Retrieved November 7, 2013. 
  11. ↑ 11.0 11.1 "Typhoon Haiyan: UN Praises Viet Nam for High State of Preparedness - See more at: http://reliefweb.int/report/viet-nam/typhoon-haiyan-un-praises-viet-nam-high-state-preparedness#sthash.fdBlF96Z.dpuf". UN Country Team in Vietnam. ReliefWeb. November 12, 2013. Retrieved November 16, 2013.  External link in |title= (help)
  12. ↑ 12.0 12.1 "Viet Nam: Typhoon Haiyan Information Bulletin n° 3" (PDF). International Federation of Red Cross and Red Crescent Societies. ReliefWeb. November 12, 2013. Retrieved November 16, 2013. 
  13. ↑ "Tropical Storm Haiyan makes landfall in Vietnam". BBC News. November 10, 2013. http://www.bbc.co.uk/news/world-asia-24890114. Retrieved on November 10, 2013. 
  14. ↑ "Proclamation No. 682, s. 2013". Official Gazette. November 11, 2013. Archived from the original on November 12, 2013. Retrieved November 12, 2013. 
  15. ↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na NDRRMC
  16. ↑ Michael Pearson. Nick Paton Walsh and Anna Coren (November 13, 2013). "Typhoon Haiyan: Grief and hunger dominate amid survival struggle". CNN. Retrieved November 13, 2013. 

Mga panluwas na takod

[baguhon | baguhon an source]
An Wikimedia Commons igwa nin medya dapit sa Bagyong Yolanda.
Kinua sa "https://bcl.wikipedia.org/w/index.php?title=Super_Bagyong_Yolanda&oldid=260235"