Baksal
An baksal, pig-aapod man na ankle chain, ankle bracelet o ankle string, iyo an sarong ornamentong pigsusulot sa palibot kan bokoboko.[1] An mga suanoy na Ehiptong babayi nagsulot kan mga enot na baksal segun sa kasaysayan. An mga barefoot anklets asin toe rings asin siring man sinulot kan mga babaying gurang asin aki sa kababan na Indus, sa Habagatan na Asya na kun iyan komun na midbid bilang pattilu, payal, golusu asin kun minsan bilang nupur. Sa Estados Unidos kapwa kaswal asin pormal na baksal an nagin pangmoda poon kaidtong dekada 1930 pasiring sa huring ika-20 dekada. Mantang sa popular na kultura kan Solnopan kapwa an mga aking lalaki asin babayi posibleng magsulot nin kaswal na anit na baksal, they iyo an bantog sa mga babaying nakabitis. An mga pormal na baksal (na gibo sa pirak, bulawan, o beads) iyo an ginamit kan ibang mga babayi bilang pangmodang alahas. An mga baksal iyo an importanteng pidaso nin alahas sa mga kasalan na Indiano, sinulot kaiba an saris.
Kun minsan, an mga baksal sa duwang bokoboko pigsusugpon nin sarong kadena tanganing limitaran an paglakdang. An kaugalian na ini dating lakop sa Habagatan-subangan na Asya, kun saen an epekto nagtatao nin sarong "babayinhon" na haralìpot na lakdang. Sa ngunyan, kadikit na babayi na sana an nagkukuyog sa kaugalian na ini, alagad pambihira kun sa publiko. Urog pang pambahira, an ibang mga tawo nagsusulot nin "permanente" (e.g., soldered) na kadena nin baksal asin urog pang nagkukunektang kadena.
