Bali, Indonesia

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Isla nin Bali, Indonesya

An Bali (Balinese: ᬩᬮᬶ, Indones: Pulau Bali, Provinsi Bali) sarong isla asin sarong probinsya nin Indonesya. An probinsya kairiba an isla nin Bali asin magkapirang mas saradit na mga isla sa paralibot, siring kan Nusa Penida, Nusa Lembongan, asin Nusa Ceningan. Ini namomogtak sa bandang solnopan na gayo kan inapod na Lesser Sunda Islands, pag'oltan kan Java sa solnopan asin Lombok sa subangan. An kabesera kaini na iyo an Denpasar, yaon namomogtak sa parteng habagatan kan isla.

Kan Enero 2014, igwa ining populasyon na 4,225,000 asin ini iyo an binabanwa kan minoriyang Hindu sa nasyon nin Indonesya. Susog sa senso kan 2010, 83.5% kan populasyon kan Bali mga paratubod kan Hinduismong Balinese, nasundan kan 13.4% Muslim, 2.5% mga Kristiyano, asin 0.5% mga parasunod sa Budhismo.[1]

An Bali popular na destinasyon nin mga turista asin poon pa kan 1980, nag'aagi nin marikas na pagtalubo kan turismo. Sa totoo ngane, 80% kan mga negosyo igdi dapit sa turismo na dakula na gayo an ambag sa saiyang ekonomiya. An Bali bantogan na gayo kan saiyang marambong na kultura sa lantad nin arte orog na sa tradisyonal asin modernong bayle, iskultura, pagpinta, trabaho sa pag'aanit, metalworking asin musika. Taon-taon, igdi sa Bali hinihimo an Indonesian International Film Festival. Kan Marso 2017, an TripAdvisor pigpili na gayo an isla nin Bali bilang pinaka-nangengenot na panturistang destinasyon sa bilog na kinaban.[2]

Galeriya[liwaton | liwaton an gikanan]

Toltolan[liwaton | liwaton an gikanan]

  1. [1]sp2012.bps.go.id. Kinua 09-23-17
  2. [2]. www.businesstoday.in. Kinua 09-23-17