Beyonce

Beyoncé
Beyoncé at The Lion King, European Premiere, 2019
Kamundagan	Beyoncé Giselle Knowles (1981-09-04) Septyembre 4, 1981 Houston, Texas, U.S.
Trabaho	Parakanta Parasurat kanta aktres
Mga taon na aktibo	1997–presente
Yaman	US$350 million (May 2017)
Agom	Jay-Z
Mga aki	3
Mga magurang	Mathew Knowles Tina Knowles
Sadiring-tao	Solange Knowles (tugang)
Musical career
Mga genre	R&B
Mga instrumento	Vocals
Mga tatak	Music World Parkwood Columbia Records
Katakod na akto	Destiny's Child Jay-Z
Websityo	beyonce.com

Si Beyoncé Giselle Knowles-Carter (/biːˈjɒnseɪ/; namundag Septyembre 4, 1981), sarong parakantang Amerikano, aktres, asin parasurat kanta. Siya namundag asin nagdakula sa Houston, Texas, asin aki pa sige na an bali sa mga kompetisyon sa karantahan asin patiribayan sa pagbayle. Si Beyoncé naglataw sa kabantogan kan mga 1990 bilang nangenot na parakanta sa R&B girl-group Destiny's Child. Inaasikaso kan saiyang ama, si Mathew Knowles, an grupo nagin saro sa pinakalataw asin pinakamabentang grupong parakanta sa bilog na kinaban sa guhit nin historya. Kan medyo nagtoninong an grupo, si Beyoncé nag'debut sa pelikula-teatrong pasaling Goldmember (2002) asin pagluwas kan pambungsod niyang album, Dangerously in Love (2003). An album nagkaag saiya komo solong artistang pangkinaban na kabantogan, mala ta limang Grammy Awards an nasikwit kaini asin natampok sa Billboard Hot 100 number one singles "Crazy in Love" asin "Baby Boy".

Kan magkasiriblagan an Destiny's Child kan 2006, siya naman nakapaluwas kan saiyang ikaduwang solong album, an B'Day (2006), na igdi napalaman an sampolong nangenot na kanta, kabali an "Déjà Vu", "Irreplaceable", asin "Beautiful Liar". Si Beyoncé padagos an saiyang karera sa pagka'aktres, na may papel na tampok sa The Pink Panther (2006), Dreamgirls (2006), asin Obsessed (2009). An saiyang pagka'inagoman ki rapper Jay-Z asin pagladawan ki Etta James sa Cadillac Records (2008) nag'impluensya sa ikatolong album, I Am... Sasha Fierce (2008), kun saen naintrodusir an saiyang alter-ego na si Sasha Fierce asin nag'ani nin anom na Grammy Awards kan 2010 bagay na nagkurit nin bagong rekord, asin kabali na an "Single Ladies (Put a Ring on It)" na nagin Song of the Year. Si Beyoncé nagpahingalo diit sa musika kan 2010 asin inasikaso niya an pagdalagan kan saiyang karera, mala ta an ikaapat niyang album, album 4 (2011) mas hinog na sa tono, na may pageksperimento sa musikang funk nin 1970, asin 1980ng pop,. An ika-5ng album niya Beyoncé (2013), nabibisto sa mga enot na paluwas kan mga temang napapalaen na mas "madiklom" daa ta medyo mistiko. An ika-6 na album, Lemonade (2016), nag'ani man nin mahiwas na pag'umaw mala ta nagin ining pinakamasulong na album taon 2016.

Sa bilog kan saiyang karera, si Beyoncé nakabenta nin sobra 118 milyon na rekord sa bilog na kinaban asin abot taon 2010, nagluwas na sa 7 pelikula. Kabakas sa hiro an saiyang agom na si Jay-Z, sinda nakabenta na nin 300 milyon na rekord sa pagtongtong kan taon 2014.

Diskograpiya

• Dangerously in Love (2003)
• B'Day (2006)
• I Am... Sasha Fierce (2008)
• 4 (2011)
• Beyoncé (2013)
• Lemonade (2016)

Filmograpiya

• Carmen: A Hip Hopera (2001)
• Austin Powers in Goldmember (2002)
• The Fighting Temptations (2003)
• The Pink Panther (2006)
• Dreamgirls (2006)
• Cadillac Records (2008)
• Wow! Wow! Wubbzy!: Wubb Idol (2009)
• Obsessed (2009)
• Life Is But a Dream (2013)
• Epic (2013)
• The Lion King (2019)

Pasali sa telebisyon

Taon	Programa	Papel	Mga Nota
2000	The Famous Jett Jackson	Siya mismo	"Backstage Pass" (Season 3, episode 16)
2001	Carmen: A Hip Hopera	Carmen Brown	Protagonista
2003	The Wayne Brady Show	Siya mismo	Pagpabalangibog The Fighting Temptations
2004	Fade to Black	Siya mismo
2005	All of Us	Siya mismo
2007	My Night at the Grammys	Siya mismo	Entrebista
2009	Wow! Wow! Wubbzy!: Wubb Idol	Shine	boses ni Glisten, Sparkle asin ni Shine
	Beyoncé: For the Record	Siya mismo	Entrebistang hararom
2010	Britain's Next Top Model	Siya mismo	Tampok na bisita Etapa 6
2011	American Idol (season 10)	Siya mismo	Mentor / tampok na artista/bisita
	Beyoncé: Year of 4	Siya mismo	Promosyión para sa 4
	The X Factor (Australia) (season 3)	Siya mismo	Hurado
	A Night with Beyoncé	Siya mismo	ITV espesyaal musikal
2013	Rock in Rio V	Siya mismo	Río de Janeiro, septiembre

Panluwas na takod

• [7] Websityo ni Beyonce. Kinua 05-18-18</ref>
• [8]Instagram. Kinua 05-18-18</ref>