Bhumi

Idolo ni diosa Bhumi sa sarong templo sa Tamil Nadu

Si Bhumi (Sanskrito: भूमि, romanisado: Bhūmi), na midbid man sa ngaran na Bhudevi asin Vasundhara, sarong diosang Hindu na iyo an personipikasyon kan Daga.

Siya sarong konsorte kan diyos na si Vishnu. Segun sa tradisyon na Vaishnava, siya an ikaduwang aspekto kan konsorte ni Vishnu na si Lakshmi kaiba an mga aspekto ni Sridevi asin Niladevi. Si Varaha, an ikatolong avatar ni Vishnu, ilinigtas siya sa demonyong si Hiranyaksha asin kan huri naagom niya, na ginibo siyang saro sa saiyang mga konsorte. Siya an tinuturing na ina ni Narakasura, Mangala, asin Sita.