Bulod nin rushmore

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An Bulod Rushmore na Memorial

An Bulod nin Rushmore na Memorial Nasyonal sarong memorial na pinagsinsil sa granitong atubangan kan Bulod nin Rushmore na namomogtak sa kagagapoan nin Black Hills sakop kan Keystone,South Dakota. An iskultura naglaladawan kan mga lalawgon nin apat na presidente kan Estados Unidos:George Washington (1732–1799), Thomas Jefferson (1743–1826), Theodore Roosevelt (1858–1919), asin Abraham Lincoln (1809–1865) sa pagromdom asin pag'onra sainda asin man sa pagpa'orog kan turismo sa rona' na ini. . Si iskultor Gutzon Borglum iyo an nagmukna kan desenyo kan iskultura asin iyo an nag'asikaso kan proyekto na pino'nan kan taon 1927 hanggan matapos kan 1941, katuwang an saiyang aki, si Lincoln Borglum. An parke memorial may hiwas na 1,278 acre (2.00 milya kwadrado) asin 5,725 na pye an taas sa lebel kan dagat.[1]

Si historyador na Doane Robinson kan South Dakota iyo daa an kag-isip kan ideyang ini na magsinsil kan mga pandok kan mga bantogan, na enot duman kuta sa Needles i'ukit alagad nagkontra an mga Amerikanong Indyan duman kaya pinili na lang Bulod Rushmore orog na ta mas nakatambara ini sa mas mahiwas na pagta'naw nag'aatubang sud-subangan asin yaon na gayo sa bantaakan. Kuta gusto ni Robinson itampok an mga heroe kan Amerikang Solnopan arog ka Lewis asin Clark, Red Cloud asin Buffalo Bull Cody, alagad napag'isip niya dapat idtong mas bisto asin popular sa kaenterohan kan Estados Unidos. Kaya pinili niya an apat na presidente. [2]





Toltolan[liwaton | liwaton an gikanan]

  1. [1]www.nps.gov. Kinua 28-02-18
  2. [2]www.blackhillsvacations.com. Kinua 28-02-18