Caramoan Community College
An Caramoan Community College iyo sarong lokal na kolehiyo na pinapadalagan kan Lokal na Gobyernong Yunit kan Caramoan sa probinsya kan Camarines Sur, Filipinas. Inaapod man ini bilang CCC o C Cube (C3). Natugdas ini kaidtong 1977, asin iyo an pinakaenot na paadalan na nagtao nin halangkaw na edukasyon sa rawis nin Caramoan.
An Caramoan Community College nagpoon kan 1977 pakatapos mag-isyu an Sangguniang Bayan nin resolusyon sa pagmokna nin institusyon para sa halangkaw na edukasyon sa munisipalidad para matugonan an kamawotan kan mga naggradwar sa hayskul na sa panahong ito kaipohan pa magpasiring sa syudad para makaadal nin kolehiyo. An kolehiyo iyo kaidto yaon pa sa laog kan Caramoan Central School sagkod an klase nagpopoon pa sa pagkabanggi. Sa rigo kan Government Recognition (GR) No. 20, B.S.Ed. & No. 21, B.E.Ed., Serye kan 2004, an Commission on Higher Education Region V pigtugotan an pangkomunidad na kolehiyo na magkaigwa nin Batsilyer nin Elementaryang Edukasyon (BEED) asin Batsilyer nin Sekundaryong Edukasyon (BSED), mayor sa Ingles na mga kurso epektibo poon Akademikong Taon 2004–2005.
Akademika
[baguhon | baguhon an source]Kolehiyo nin Edukasyon
- Batsilyer nin Elementaryang Edukasyon (BEED)
- Batsilyer nin Sekundaryang Edukasyon (BSED), mayor sa Ingles
Kolehiyo nin Arte asin Siyensya
- Batsilyer nin Arte sa Politikal na Siyensya (AB PolSci)
Mga Ginunuan
[baguhon | baguhon an source]- Official page sa Facebook
- Giya na Libro para sa mga Kolehiyong Estudyante (Ikaduwang Edisyon), Caramoan Community College, Caramoan, Camarines Sur
