Charles Manson
Si Charles Milles Manson (namundag Charles Milles Maddox, Nobyembre 12, 1934 - died 19 November 2017) sarong Amerikanong sentensyado sa panggagadan-tawo asin dating lider nin sarong kulto na inapod Manson family. An garadanan na imbwelto an saiyang grupo, nangyari sa apat na magkasuway na lokasyon asin nangyari kan Hulyo asin Agosto 1969. An mga alipores ni Manson nakakometer nin serye nin siyam na murder sa mga lugar na ini na siya an itinutukdo na kagboot. Kan 1971, si Manson idinoon kan Korte na guilty sa first-degree murder asin may pagka-kasapakat sa pagkomiter murder na nagresulta sa pagkagadan kan pitong tawo, na saro na diyan an bantogan na aktres na si Sharon Tate. Si Manson nasentensyahan pa asin guilty nin first-degree murder sa duwa pang kagadanan. Orihinalmente, siya kuta sentensyadong magsapo nin utas-buhay na penalidad alagad, an sentensya niya ipighuros sa lawig-buhay na pagkapreso kan an estado nin California pignulo na an estatuto nin pag'utas-buhay na penalidad kan 1972. Si Manson sa presente nagseserbi nin multiple na sentensyang lawig-buhay pagkakulong sa California State Prison sa Corcoran.[1]
Bago ining mga murder na nangyari, si Manson sarong mayong-empleong kondenado na narawrawan an kabanga kan saiyang buhay sa mga institusyon koreksyonal huli sa mga kun ano-anong pagkakasala. Siya nagsusurat-surat man mga kanta asin parakanta sa California huli sa pagkabisto niya sa sarong konektado sa industriya nin musika, na si Dennis Wilson, sarong drummer asin katuwang-kagmukna kan The Beach Boys. Mala ta su mga rekording kan mga kanta niya asin saiyang pigpapapelan napaluwas asin napabakal man.[2]
Enot na mga taon
[baguhon | baguhon an source]An buhay niya kan aki pa mayong katoltolan asin maribok ta an ina niya suway nang dati sa ama niyang si Colonel Walker Scott na pigdudahan na sarong itom dawa totoo kan senso nin 1920 asin 1930, deklaradong puti si Scott asin an ama kaini. An ina niya nakasal ki William Eugene Manson (May 2, 1909 – April 15, 1961), na saro mansanang parapatandan. Igdi niya kinua an apelhyido niya. Pighuhuna pa ngani na pwede si Manson dai man naisihan an tunay niyang ama sa dugo.
An ina niya soboot toriyok na paraburat. May istorya ngani si Manson na siya daa pigpabakal ni mama niya minsan sa sarong daing-aki na waiter karibay sana nin sarong pitsel na serbesa. Kan an ina niya asin tugang kaining lalaki mapreso sa paghabon sa sarong gasolinahan asin sentensyadong limang taon sa langoban, siya ikinaag sa harong kan nanahon niya asin agom kaini sa McMechen, West Viriginia. Kan maparole si ina niya, siya binawi asin nag'estar sinda sa sunod-sunod na mga kwartong hotel. Sabi ni Manson, kugos sana kan ina niya an maromdoman niyang maimbong na pagromdom kan saiyang pagkaniaki. Ikinakaag kuta siya sa sarong harong amponan alagad mayong bakante. An korte ikinaag si Manson sa Gibault School for Boys sa Terre Haute, Indiana. Pakalihis sampolong bulan, siya duminulag asin nagbalik sa ina na isinikwal man giraray siya.
Buhay pamilya
[baguhon | baguhon an source]Kan 1955, sa pag'ultan nin mga pagkakulong sa preso, si Manson naagom an 17-anyos na waitress sa ospital, si Rosalie Jean Willis. An mag'agom nag'isog sa California asin nagkaaki na si Charles Manson, Jr. Si Willis kan 1956 binayaan si Manson asin kaiba an aki ninda, nagsaro na sa sinasambay niya. Kan 1959, si Manson inagom an sarong pampam, si Leona Rae "Candy" Stevens, na kun kiisay siya may ikaduwang aki, si Charles Luther Manson. Si Stevens pigdeborsiyo si Manson kan 1963. An enot niyang aki na Junior sinasabing naghugot kan 1990.[3]
Sa sarong interbyu kan 2013, sa Rolling Stone magasin, sarong nagngangaran na Afton Burton, na apod sa sadiri Star, nagtuga na siya asin si Manson may relasyon asin mapakasal daa sinda. Sa edad na 19, si Star naglipat Corcoran, California haleng Illinois ngane harani sa preso kun saen nakokonkon si Manson. Si Star pati may mga websayt na nagkakampanyang mapaluwas sa preso ini.[4]
Kan Nobyembre 2014, si 24-anyos na Star (Afton burton) asin si 80-anyos na Manson nakakua nin lisensya sa kasal, alagad kan 2015, ini nagpaso. May mga nagsaboot arog ki Daniel Simone, na sarong parasurat, na boot mansanang maagom ni Star si Manson ta gusto mapakinabangan an bangkay kun ini magadan na. Sabi ni Star, idadagos pa an kasal alagad dai pa aram kun noarin..[5]
Rekord sa krimen
[baguhon | baguhon an source]Enot na mga pagkakasala
Si Charles Manson luwas laog sa preso asin kun ano-anong nakokometir na pagkakasala. Kan menor de edad pa siya, hinabonan niya an sarong tindahan-arak makakua sanang pambayad renta sa arkiladong kwarto. Nadakop siyang nanhabon bisikleta, ipigkonkon sa sarong Indianapolis juvenile center alagad nagdulag, nadakop, ikinonkon sa sarong Boys Town. Pakalihis apat na aldaw, nakadulag kaiba saro man na kaiba niya sa piotan. An duwa nanhabon sa sarong groseri, nadakop asin kinulong sa Indiana Boys School, sa edad sanang 13 na kun saen sabi niya siya inabusong sekswal. Pakatapos pirang beses na nagngata makadulag, si Manson, kaiba an duwa pa, nakadurulag. Sa Utah, an tolo pasiring sa California nagkadarakop ta an autong gamit ninda hinabonan, pero bago nagparapanhabon sa mga gasolinahan. Si Manson, dinara sa Washington D.C. kun saen ikinaag siya sa National Training School for Boys. Duman nakaapat siyang taon nag'adal na nahiling may IQ na 109. Apesar kaiyan, siya illiterate man giraray. An sarong caseworker pigsabing si Manson "aggressivelhy antisocial."
Panluwas na takod
[baguhon | baguhon an source]- [6]Charles Manson and the Manson Family. Crime Museum.Kinua 10-13-17.
