Ehud Olmert

Ehud Olmert
Olmert kan 2007
12th Prime Minister of Israel
Termino 4 Enero 2006 – 31 Marso 2009 Acting: 4 January 2006 – 14 Abril 2006
President	Moshe Katsav Shimon Peres
Deputy	Tzipi Livni
Suminunod ki	Ariel Sharon
Sinundan ni	Benjamin Netanyahu
Alkalde nin Jerusalem
Termino 2 Nobyembre 1993 – 16 Pebrero 2003
Suminunod ki	Teddy Kollek
Sinundan ni	Uri Lupolianski
Personal na mga detalye
Kamundagan	(1945-09-30) 30 Septyembre 1945 Binyamina, Mandatory Palestine
Partido politikal	Likud (1973–2006) Kadima (2006–2015)
Agom	Aliza Olmert
Mga aki	4 (kabali Shaul asin Dana)
Alma mater	Hebrew University of Jerusalem

Si Ehud Olmert (/ˈoʊlmərt, -mɛərt/; Hebrew: אֶהוּד אוֹלְמֶרְט‎, IPA: [eˈhud ˈolmeʁt] ( dangogon); namundag 30 Septyembre 1945) sarong Israeli politiko asin abgado. Siya nagserbing ika-12ng Primer Ministro nin Israel poon 2006 sundo 2009 asin bago kaiyan, siya nagin ministro nin gabinite poon 1988 abot 1992 asin poon 2003 sundo' 2006. Sa ultanan kan saiyang enot asin ikaduwang katongdan bilang ministro sa gabinite, siya naglingkod komo alkalde nin Jerusalem poon 1993 abot 2003. Pakalingkod niya bilang PM, siya nasentensyahan na ikulong huli soboot sa pag'ako nin suhol asin pag'ulang sa hustisya durante kan saiyang termino bilang alkalde kan Jerusalem asin komo ministro sa komersyo. Siya nakulong kan 2014 nin 16 may kabangang bulan sa 27-bulan na sentensya ta pinaluwas siya sa ri'gon nin orden na parole.

Biograpiya

Si Ehud Olmert namundag harani sa Binyamina sa British Mandate of Palestine. Sabi ni Olmert, an mga magurang niya na sinda Bella (Wagman) asin Mordechai Olmert, nakadulag sa "persekusyon sa Ukranya asin Rusya, asin nakakapaili sa Harbin, Tsina. Sinda nag'emigrar sa Israel sa pagmawot makabilog nin Hudyong demokratikong estado na nagbubuhay sa katoninongan sa daga nin saindang mga apoon."." An ama niya ngapit nagin myembro sa Parlamentong Knesset representado an Herut. An pagkaaki ni Olmert siya naimbwelto sa pag'apil sa Beitar Youth Organization asin an pagkaaram na an mga magurang niya parati pig'aapi ta myembro sinda sa Huydong grupong militia na Irgun. Dqagdag pa, sinda kabali sa Herut, an oposisyon kan haloy na yaon sa poder na partidong Mapai. Alagad kan mga 1970 an mga bagay na ini dai naman na gayo apektado an kiisayman na karera.