Jump to content

Isabel II

Gikan sa Bikol Sentral na Wikipedia, an talingkas na ensiklopedya
(Nakatukdo hali sa Elizabeth II)
Si Isabel II kan 2015

Si Isabel II o Elizabeth II (Elizabeth Alexandra Mary; Abril 21, 1926 - Setyembre 8, 2022) iyo an Reyna kan Reino Unido asin ibang mga miyembro na estado kan 16 na independienteng mga soberanong estado na inapod na mga Kumonwelt na mga nasyon poon 6 Pebrero 1952 hasta sa saiyang pagkagadan kan 2022.

Kaamayi kan buhay[baguhon | baguhon an source]

Si Prinsesa Isabel namundag alas 02:40 (GMT) kan 21 Abril 1926, durante kan pagreynar kan saiyang lolohon sa ama na si Hading Jorge  V. An saiyang amang si Prinsipe Alberto, Duke kan York (nagin Hading George VI), iyo an ikaduwang aking lalaki kan Hadi. An saiyang ina na si Isabel, Dukesa kan York (nagin Reyna Isabel An Inang Reyna), iyo an pinakanguhod na aking babai kan aristokratong Scot na si Claude Bowes-Lyon, ika-14ng Earl kan Strathmore asin Kinghorne.

Siya binunyagan kan Anglikanong Arsobispo kan York na si Cosmo Gordon Lang sa sarong pribadong kapilya kan Palasyo Buckingham. Nagin ninong asin ninang niya sinda Hading Jorge V asin Reyna Maria; Lord Strathmore; Prinsipe Arturo, Duke kan Connaught asin Strathearn (an ama kan saiyang lolohoan sa ama); Prinsesa Maria, Viscountess Lascelles (an saiyang tiyaon sa ama); asin Mary Elphinstone, Lady Elphinstone (an saiyan tiyaon sa ina).

An kasaro-sarong tugang niya si Prinsesa Margaret namundag kan 1930. An duwang prinsesa nag-adal sa saindang erokan sa irarom kan pamamahala kan saindang ina asin ni Marion Crawford. an mga leksyon nakasentro sa kasaysayan, lengwahe, literatura asin musika. Pinagpublikar ni Crawford an biograpiya ni Isabel asin Margaret kan saindang kaakian sa titulong The Little Princesses kan 1950, alagad dai ini ikinaugma kan pamilya ng royal. An libro iniladawa an pagkamoot ni Isabel sa mga kabayo asin ayam, an pagigi ninyang mabini asin responsable.

Kagadanan[baguhon | baguhon an source]

Kan 8 September 2022, sa Buckingham Palace inanunsyo na an Reyna nasa irarom kan superbisyon medikal sa Balmoral Castle pagkatapos kan mga doktor ipahayag an saindang pagmakulog. An pahayag nagsasabi na "Following further evaluation this morning, the Queen's doctors are concerned for Her Majesty's health and have recommended she remain under medical supervision. The Queen remains comfortable and at Balmoral." An apat na aki kan Reyna pag-iriba an saiyang mga manugang, asin si Prinsipe William asin si Prinsipe Harry, nagbyahe pa tanganing makaibahan siya. An saiyang pagkagadan kinumpirma sa bangging iyan na nagtataong epektibo sa Operation Unicorn.