Felipe II kan Espanya
| Felipe II | |
|---|---|
 Portrait by Sofonisba Anguissola (1565) | |
| King of Spain (more…) | |
| Panahon kan Kapanyarihan | 16 January 1556 – 13 September 1598 |
| Suminunod ki | Charles I |
| Sinundan ni | Philip III |
| King of Portugal (more…) | |
| Panahon kan Kapanyarihan | 12 September 1580 – 13 September 1598 |
| Acclamation | 16 April 1581, Tomar |
| Suminunod ki | Henry or Anthony (disputed) |
| Sinundan ni | Philip III of Spain |
| King of England and Ireland (jure uxoris) | |
| Panahon kan Kapanyarihan | 25 July 1554 – 17 November 1558 |
| Suminunod ki | Mary I |
| Sinundan ni | Elizabeth I |
| Co-monarch | Mary I |
| Iminundag | 21 May 1527 Palacio de Pimentel, Valladolid, Castile |
| Nagadan | 13 Septyembre 1598 (edad 71) El Escorial, San Lorenzo de El Escorial, Castile |
| Pigburol | El Escorial |
| Agom na babaye | |
| Isyu Detalye | |
| Harong | Habsburg |
| Amá | Charles V, Holy Roman Emperor |
| Iná | Isabella of Portugal |
| Relihiyon | Roman Catholicism |
| Pirma |  |
Si Felipe II (Mayo 21, 1527 — Setyembre 13, 1598), iyo an Hade kan Espanya poon kan 1556, Hade kan Portugal poon kan 1580, asin Hade kan Napoles asin Sicily poon kan 1554 sagkod sa saiyang kagadanan kaidtong 1598. Siya man an jure uxoris Hade kan Inglaterra asin Irlandya huli sa saiyang pagigin kasal ki Reyna Maria I kaidtong 1554 sagkod sa saiyang kagadanan kaidtong 1558.[1] Siya man an Duke kan Milan poon kan 1540.[2] Poon kan 1555, siya an Kagurangnan kan Kagpitong Probinsya kan Nederlands.
An aking lalaki kan Emperador Carlos V asin Isabela kan Portugal, minana ni Felipe an saiyang Imperyong Espanyol kan saiyang ama kaidtong 1556 asin matrayumpo na nagpadagos sa Portugesang trono kaidtong 1580 suminunod sa krisis dinastiko. An Kastilang pagsakop sa Imperyong Inka asin sa Filipinas, nginaran sa saiyang onra sa paagi ni Ruy López de Villalobos, na nakompleto durante kan saiyang pagreynar. Sa irarom kan pamayo ni Felipe II, an Espanya nakaabot sa langkaw kan saiyang impluwensya asin poder, kun minsan pig-aapod na an Spanish Golden Age, asin pinamayuhan an mga teritoryo sa lambang kontinente na midbid kan mga Europeo. Si Felipe an naggiya sa halangkaw na debt-leveraged rehimen, nahihiling an mga state defaults kaidtong 1557, 1560, 1569, 1575, asin 1596. An polisiyang ini nagin kabtang na kawsa kan deklarasyon nin independensya na luminikha sa Dutch Republic kaidtong 1581. Natapos na togdokon ni Felipe an royal na palasyo na El Escorial kaidtong 1584.
Sa irarom kan pamamahala ni Felipe, an promedyo nin haros 9, 000 na soldados an narekrut gikan sa Espanya kada taon, naglalangkaw na sagkod sa 20, 000 sa krisis na mga taon. Sa pag-ultanan kan 1567 asin 1574, haros 43, 000 na lalaki an naghale sa Espanya tanganing maglaban sa Italya asin sa Low Countries (modernong aldaw na Belgium, Luxembourg, asin an Nederlands).[3]
Ilinadawan si Felipe kan Venetian ambassador na si Pablo Fagolo kaidtong 1563 bilang "bakong masyadong halangkaw asin bilog an lalawgon, na igwa nin malungsi na asul na mga mata, haros prominenteng mga ngabil, asin pink na kublit, alagad an saiyang pangkagabsan na tamanyo masyadong atraktibo. ... Marhay man an saiyang panlasa sa pagbado, asin an gabos na saiyang piggigibo magalang asin gracious.[4] Ikinasal si Felipe nin apat na beses; gabos na saiyang mga agom naenot pa saiyang nagadan.
Toltolan
[baguhon | baguhon an source]- ↑ Geoffrey Parker. The Grand Strategy of Philip II, (2000)
- ↑ Garret Mattingly. The Armada p. 22, p. 66. ISBN 0-395-08366-4.
- ↑ Kamen, Henry (2014). Spain, 1469–1714: A Society of Conflict. Routledge. p. 150.
- ↑ Davis, James C. (1970). Pursuit of Power: Venetian Ambassadors' Reports on Spain, Turkey, and France in the Age of Philip II 1560–1600. New York: Harper & Row. pp. 81–82.
