Jump to content

Harper Lee

Gikan sa Bikol Sentral na Wikipedia, an talingkas na ensiklopedya
Harper Lee
Lee on November 5, 2007
MinundaganNelle Harper Lee
(1926-04-28)Abril 28, 1926
Monroeville, Alabama, U.S.
KagadananPebrero 19, 2016(2016-02-19) (edad 89)
Monroeville, Alabama, U.S.
AlyasHarper Lee
KasibotanNovelist
NasyunalidadAmerican
EdukasyonUniversity of Alabama
Panahon1960–2016
GenreLiterature, fiction
Hirong pagsuratSouthern Gothic
Bantog na giboTo Kill a Mockingbird
Go Set a Watchman
Lagdâ

Si Nelle Harper Lee (Abril 28, 1926 -Pebrero19, 2016) sarong Amerikanong nobelista na nagin bantog huli sa saiyang nobelang "To Kill a Mocking Bird", na pinublikar kan1960. Nagi ining matrayumpu tulos-tulos, guminana ngani ini kan 1961 Pulitzer Prize asin nagin klasikong modernong literaturang Amerikano. Dawa saro sana an pinublikar ni Lee nin libro, kan taon 2007 tinawan syang gawad na "Presidential Medal of Freedom" para sa saiyang kontribusyon sa literatura.[1] Idagdag pa kaini, si Lee nakaresibe man nin gulping honorary degrees, dawa pa ngani dai sya nagtutugot na magtaram sa mga okasyon na ini. Midbid man sya sa pag tabang sa saiyang amigo na si Truman Capote sa saiyang paghanap nin mga impormasyon sa nobelang In Cold Blood (1966).[2] Si Capote an basehan kan karakter na Dill sa To Kill a Mockingbird.[3]

An istorya asin man an mga karakter sa To Kill a Mockingbird nakabase sa mga obserbasyon ni Lee sa saiyang sadiring pamilya asin sa saiyang mga kataraning sa harong, pati man sa sarong pangyayari sa saiyang lugar kan 1936, kan sya sampulong taon pa sana. An nobela minatukar kan pagka-palta rason kan mga gurang patunkol sa rasa asin klase sa Deep South kan 1930s, sa perspektibo nin sarong aki. An nobela inspirado kan mga pag-uugali manungod sa rasa sa saiyang sadiring lugar sa Monroeville, Alabama.

An saro pang nobela, Go Set a Watchman, na naisurat katahawan kan 1950s asin naipunlikar man kan Hulyo 2015 bilang "sequel", dawa pa ngani aban-aban kinumpirma ini bilang drapto sana kan To Kill a Mockingbird.[4][5][6]

Kinaamayi kan Buhay

[baguhon | baguhon an source]

Si Nelle Harper Lee pinangaki kan Abril 28, 1926, sa Monroeville, Alabama [7] kun sain sya an nguhod sa apat na aki ninda Frances Cunningham (Finch) and asin man agom kaining si Amasa Coleman Lee.[8] An saiyang mga magurang pinili an saiyang tahaw-ngaran na , Harper, bilang pag taong onra sa pediatrikong si Dr. William W. Harper, kan Selma, Alabama, na nagsalbar sa buhay kan saiyang tugang na si Louise.[9] An saiya man na panginot ngaran na Nelle, ngaran kan saiyang lolahun na pigbirik an pakabasa;[10] kaya Harper Lee an saiyang nagin ngaran panurat.[10] An saiyang ina napipirmi sana sa saindang harong ; an saiyang ama, dating editor kan mga peryodiko, asin man kagsasadiri, nag kua nin abogasiya asin nagserbe sa Alabama State Legislature poon 1926 hasta 1938. Bago pa man si A.C. Lee magin tituladong abogado, dinepensahan nya an duwang itom na lalake na pig akusaran nin pangagadan nin puting para tinda. An parehong klehente, ama, asin aki, pigbiriknay.[11] Si Lee igwa nin tulong tugang: sinda Alice Finch Lee (1911–2014),[12] Louise Lee Conner (1916–2009), and Edwin Lee (1920–1951).[13]

Mantang nagkaklase sa Monroe County High School, si Lee nagkaigwa nin interes sa Literaturang Ingles. Kan sya mag gradwar sa sekondarya kan 1944,[8] nagpasiring sya sa pambabayi sanang eskwelahan na Huntingdon College sa Montgomery sa laog kan sarong taon, asin nagpasiring sa University of Alabama sa Tuscaloosa, kun sain sya nag adal nin pag-abogasiya sa laog kan pirang taon asin nagsurat man para sa peryodikong pan-unibersidad, alagad dai nya man natapos an pagklase kaini.[8] Kan tig-init kan 1948, si Lee nag atender nin summer school sa European civilization sa Oxford University duman sa England, tustos kan saiyang ama, na naglalaom– alagad dai man nin nangyari, na magkaka-interes si Lee sa pag adal nin batas sa Tuscaloosa.

To Kill a Mockingbird

[baguhon | baguhon an source]

I never expected any sort of success with Mockingbird. I was hoping for a quick and merciful death at the hands of the reviewers, but at the same time I sort of hoped someone would like it enough to give me encouragement. Public encouragement. I hoped for a little, as I said, but I got rather a whole lot, and in some ways this was just about as frightening as the quick, merciful death I'd expected.

— Harper Lee, quoted in Newquist, 1964[14]

Kan taon 1949, si Lee nag pasiring sa New York City asin nagkua nin trabaho bilang airline reservation agent, nagsusurat osipon sa saiyang mga bakanteng oras. Huli ta nagsusurat man nin haralawig na istorya, si Lee nakakua nin ahente kan Nobyembre 1956. Kan nagsunod sanang bulan, sa Michael Brown sa East 50th Street townhouse, nakakua sya nin regalong sarong taon na sweldo na igwa nin surat hali sa saiyang mga katood na "You have one year off from your job to write whatever you please. Merry Christmas."[15]

Pinaghalian

[baguhon | baguhon an source]

Kan spring kan taon 1957, an 31-anyos na si Lee nagpadara kan saiyang manuskrito na Go Set a Watchman sa saiyang ahente tangani na maipadara sa mga paralimbag, kairiba ngani an ngunyan dai naman nag-ooperar na J. B. Lippincott Company, na buminakal man kaini.[16] Sa Lippincott, an nobela nakaabot sa kamot ni Therese von Hohoff Torrey—mas midbid sa ngaran na Tay Hohoff. Si Hohoff nag bilib sa gibo ni Lee. "[T]he spark of the true writer flashed in every line", rumdom nya pa sa kasaysayan kan Lippincott.[16] Kundi sa paghiling ni Hohoff , an manuskrito dai man angay sa publikasyon. Sa pagkakasabi nya,"serye ini nin mga anekdota imbes na nobela[16] Kan suminunod pang mga taon, tinabangan nya si Lee na maantos an libro na iyo na ngani an To Kill a Mockingbird.[16]

Arog kan ibang mga parasurat na dai pa nagkakarilimbag an mga gibo, si Lee dai man kasigurohan sa saiyang talento. "Saro akong nagpopoon pa sanang parasurat sabi ninda," an sabi man ni Lee kan 2015 manungod sa ebolusyon kan Watchman pasiring sa Mockingbird.[16] Si Hohoff nag opreser nin mas detalyadong karakterisasyon sa proseso "Pakalihis kan mga salang kapinonan, linya kan istorya, pagsaralidahan kan mga karakter, asin kan an empasis magi na nin malinaw, asin sa kada pag rebisa—gulpi nin mga sadit na pagbabago sa kusog asin bisyon ka ini—an totoong statura kan nobela nagluwas."((Kan 1978, an Lippincott nakua kan Harper & Row, na nagi man HarperCollins, kaglimbag kan Watchman.)[16]

Igwa nin nagluluwas na pagtinauhan kan parasurat asin kan editor. . "Pag dai sya uyon sa sarong suhestyon, inuulayan mi ini, minsan ngani sa laog nin halawigon na oras," sabi ni Hohoff . "Asin minsan man mapasiring sya sa kun pano ako mag-isip, dangan iyo man sya sako, minsan ngani an diskusyon makakapaluwas nin bagong linya. "[16]

External video
After Words interview with Shields on Mockingbird: A Portrait of Harper Lee, July 11, 2015, C-SPAN

Sa saiyang relasyon ki Lee, malinaw na si Hohoff nagtatao sana nin maninigong giyang editoryal. Sarong banggi nin winter, si Charles J. Shields nagrumdom sa Mockingbird: A Portrait of Harper Lee, inapon ni Lee an manuskrito sa luwas kan saiyang bintana, bago apudan si Hohoff mantang naghihibi. "Sinabihan sya ni Tay na magluwas asin puruton utro si mga papel," pagsurat ni Shields.[16]

Kan matapos an nobela, mas pinili kan parasurat an ngaran na "Harper Lee", kaysa sa Nelle na mabasa bilang"Nellie".[17]

Pinublikar kan Hulyo 11, 1960, an To Kill a Mockingbird nagin sarong bestseller asin guminana nin dakulang pag omaw sa mga kritiko, kaayon an Pulitzer Prize for Fiction kan 1961. Hasta sa ngunyan ini bestseller,na igwa ngani ni 30 milyon na kopya sa imprenta. Kan 1999, ini ipigboto bilang "Best Novel of the Century" sa poll kan Library Journal.[18]

Autobiograpikong mga detalye sa nobela

[baguhon | baguhon an source]

Arog ni Lee, si Scout sa nobela ako kan sarong respetadong abogada sa Alabama. An saiyang katood na si Dill, sarong karakter na inspirado hali sa katawuhan kan saiya man na amigo na si Truman Capote. Huli kaini, si Lee, nagi man basehan sa saro sa mga karakter sa nobela ni Capote, Other Voices, Other Rooms, na naipublikar kan taon 1948. Dawa ngani an istorya ni Lee igwa nin pagkakaagid sa sarong interracial rape, kasong dai napangganahan kan saiyang ama, ini nakatabang man na maray tangani na mahurma an saiyang kosensya pansosyal.

Pigkokonsiderar ni Truman Capote an detalyeng autobiyograpikal sa pag mensyonar sa karakter na si Boo Radley sa To Kill a Mocking Bird , "Sa sakong orihinal na bersyon kan Other Voices, Other Rooms, igwa man ako nin siring na karakter na nakaistar sa sarong harong, na nagwawaltak nin mga gamit sa mga poon kan kahoy, asin ini sakuya man na pigkukurua. Totoo syang tawo asin nakaistar sya harani sana sa samo. Minsan mi pang pigkukurua an mga gamit na idto sa mga poon kan kahoy. Gabos na ipigsurat nya manungod duman anas totoo. Alagad kun hilngon mo, kinua ko man an parehong karakter kundi sa perspektibong Gotiko, ginibo sa iba man na maray na paagi.

Mga Gibo

[baguhon | baguhon an source]

Libro

[baguhon | baguhon an source]
  • To Kill a Mockingbird (1960)
  • Go Set a Watchman (2015)

Artikulo

[baguhon | baguhon an source]
  • "Love—In Other Words". Vogue: pp. 64–65. April 15, 1961. 
  • "Christmas to Me". McCall's. December 1961. 
  • "When Children Discover America". McCall's. August 1965. 
  • "Romance and High Adventure". 1983.  A paper presented in Eufaula, Alabama, and collected in the anthology Clearings in the Thicket (1985).
  • "Open letter to Oprah Winfrey". O: The Oprah Magazine. July 2006. 

Hilingon man

[baguhon | baguhon an source]
  • Alabama literature

Toltolan

[baguhon | baguhon an source]

Panluwas na Takod

[baguhon | baguhon an source]
  • Harper Lee at the Internet Book List
  • Harper Lee on IMDb
  • "Harper Lee collected news and commentary". The Guardian.
  • Works by or about Harper Lee in libraries (WorldCat catalog)
  • Harper Lee at Find a Grave
  1. ↑ "President Bush Honors Medal of Freedom Recipients" (Press release). The White House. November 5, 2007. 
  2. ↑ Harris, Paul (May 4, 2013). "Harper Lee sues agent over copyright to To Kill A Mockingbird". The Guardian. https://www.theguardian.com/books/2013/may/04/harper-lee-sues-agent-copyright. 
  3. ↑ Langer (February 19, 2016). "Harper Lee, elusive author of 'To Kill a Mockingbird,' is dead at 89". The Washington Post. https://www.washingtonpost.com/entertainment/books/harper-lee-elusive-author-of-to-kill-a-mockingbird-is-dead/2016/02/19/a1421368-d71e-11e5-be55-2cc3c1e4b76b_story.html. 
  4. ↑ Nocera, Joe (July 24, 2015). "The Harper Lee 'Go Set A Watchman' Fraud". The New York Times. https://www.nytimes.com/2015/07/25/opinion/joe-nocera-the-watchman-fraud.html. Retrieved on December 15, 2015. 
  5. ↑ Oldenburg, Ann (February 3, 2015). "New Harper Lee novel on the way!". https://www.usatoday.com/story/life/books/2015/02/03/harper-lee-second-novel-mockingbird-watchman/22792273. Retrieved on February 3, 2015. 
  6. ↑ Alter, Alexandra (February 3, 2015). "Harper Lee, Author of 'To Kill a Mockingbird,' Is to Publish a Second Novel". https://www.nytimes.com/2015/02/04/books/harper-lee-author-of-to-kill-a-mockingbird-is-to-publish-a-new-novel.html. Retrieved on February 3, 2015. 
  7. ↑ Grimes, William (February 19, 2016). "Harper Lee, Author of 'To Kill a Mockingbird,' Dies at 89". https://www.nytimes.com/2016/02/20/arts/harper-lee-dies.html. Retrieved on February 19, 2016. 
  8. ↑ 8.0 8.1 8.2 Anderson, Nancy G. (March 19, 2007). "Nelle Harper Lee". Auburn University at Montgomery. Retrieved November 3, 2010. [permanent dead link]
  9. ↑ Mills, Marja (2014). The Mockingbird Next Door: Life with Harper Lee. Penguin. p. 181. ISBN 9780698163836. 
  10. ↑ 10.0 10.1 Kovaleski, Serge (March 11, 2015). "Harper Lee's Condition Debated by Friends, Fans and Now State of Alabama". http://mobile.nytimes.com/2015/03/12/arts/artsspecial/harper-lees-ability-to-consent-to-new-book-continues-to-be-questioned.html. Retrieved on March 12, 2015. 
  11. ↑ Shields, Charles J. (2006). Mockingbird: A Portrait of Harper Lee. Henry Holt and Co. Retrieved February 19, 2016. 
  12. ↑ Woo, Elaine (November 22, 2014). "Lawyer Alice Lee dies at 103; sister of 'To Kill a Mockingbird' author". http://www.latimes.com/local/obituaries/la-me-alice-lee-20141123-story.html. 
  13. ↑ "Louise L. Conner Obituary". http://www.legacy.com/obituaries/gainesville/obituary.aspx?n=louise-l-conner&pid=134447749. 
  14. ↑ Newquist, Roy, ed. (1964). Counterpoint. Chicago: Rand McNally. ISBN 1-111-80499-0. 
  15. ↑ "Harper Lee". NNDB.com. Retrieved May 7, 2007. 
  16. ↑ 16.0 16.1 16.2 16.3 16.4 16.5 16.6 16.7 Mahler, Jonathan (July 12, 2015). "The Invisible Hand Behind Harper Lee's 'To Kill A Mockingbird'". The New York Times. https://www.nytimes.com/2015/07/13/books/the-invisible-hand-behind-harper-lees-to-kill-a-mockingbird.html. Retrieved on December 15, 2015. 
  17. ↑ . 
  18. ↑ "1960, To Kill a Mockingbird". PBS. Retrieved November 30, 2014. 
Kinua sa "https://bcl.wikipedia.org/w/index.php?title=Harper_Lee&oldid=259197"