José Jiménez Aranda

José Jiménez Aranda
José Jiménez Aranda
	Kurit kan sadiri niya, ni José Jiménez Aranda pininta mga 1870. Museo de Bellas Artes de Sevilla.
Kamundagan	7 Pebrero 1837; Seville, Espanya
Kagadanan	6 Mayo 1903 (edad 66); Seville, Espanya
Nasyunalidad	Espanyol
Midbid bilang	Pintor

Si José Jiménez Aranda (7 Pebrero 1837 – 6 Mayo 1903) sarong pintor na Espanyol asin tugang na Luis Jiménez Aranda asin Manuel Jiménez Aranda, na mga pintor man.

Biograpiya asin mga trabaho

Pigpu'nan asin mga amay na impluwensya

Siya enot na gayong nakanood pagpintura sa paarog ni Manuel Cabral asin Eduardo Cano.

May talento sa pagdrowing, kan 1851 siya nag'entra sa Real Academia de Bellas Artes de Santa Isabel de Hungría (Royal Academy of Fine Arts of Saint Elizabeth of Hungary) sa Seville. Kan 1868 saiyang inadalan an mga koleksyon sa Museo del Prado (Prado Museum) sa Madrid, orog na an mga obra ni Goya asin ni Velázquez. Kan 1867 nagbyahe pasiring Jerez de la Frontera ta magtrabaho komo parahirahay asin paradesenyo nin mga stained glass. Kan 1871 naghubo siya sa Roma, kun saen siya nag'estar apat na taon, asin namidbid niyang gayo si Mariano Fortuny, na nag'impluensyang maray kan saiyang pagpintura.

Byahe

Kan 1881 nag'isog siya sa París, asin duman nag'adal siyang siyam na taon, asin sige pagpintura niya na an piglulugar iyo an ika-18ng siglo nag'aayog sa istilo ni Fortuny na maray nanggad an resulta. Kan 1890 naghubo siya sa Madrid, nagpipintura nin mga ta'nawon na sa pan'aroaldaw na pagbuhay sunod sa istilo nin costumbrista.

Pagbalik sa siyudad na kinamundagan

Pagkagadan kan saiyang agom asin aking babae kan 1892 nagresulta sa pagbalik niya sa saiyang siyudad na kinamundagan, sa natatada niya pang panahon nin buhay. Duman nanombrahan siyang myembro kan Academy of Fine Arts, asin igdi nagin siyang maestro, sarong pwesto na kapot niya sagkod sa saiyang pagkagadan kan 1903. Si Daniel Vázquez Díaz, Eugenio Hermoso, Ricardo López Cabrera, Manuel González Santos asin si Sanz Arizmendi mga estudyante niya kan siya yaon sa Seville.

Sa huring dekada kan ika-19ng siglo, nagpipirmi siya sa sirkulo nin mga pintor nin tanawon nin Alcala de Guadaíra, na sa siring na genre siya may winalat na mga "grand master" na obra (susog ki Sorolla).

Sa mga marayrahay na mga obra niya iyo an: A Pass in the Bullring (1880), Una desgracia (A Disaster – 1890) and Slave for Sale (c.1897).

Siya saro man na kartonista asin ilustrador, naghaman nin 689 mga itinampok na mga drowing para sa edisyon tersentenaryo ki Don Quijote (napublikar 1905).