Gasolinahan

Gikan sa Bikol Sentral na Wikipedia, an talingkas na ensiklopedya
(Nakatukdo hali sa Kruduhan)
Sarong kruduhan kan Petron sa Pateros, Metro Manila

An sarong kruduhan, gasolinahan o estasyon nin gasolina sarong pasilidad na nagpapabakal nin panggatong asin lubrikante para sa mga otong de-makina. Sa ngunyan, an pinakaparati na pigtitindang panggatong iyo an gasolina (o petrolyo) asin disel. Para sa mga otong de-kuryente, an katapat na pasilidad iyo an kargahan o estasyon nin pagkarga.

Igwang mga nakalaag na bombahan nin gasolina (gasoline pump) an sarong gasolinahan na pwedeng magdispensa nin manlaen-laen na panggatong sa tangke kan mga oto, arog kan gasolina, diesel, kerosina ("gaas"), CNG, LPG, mga biyoalkohol arog kan etanol, asbp., dangan piglilista kaini an halaga kan panggatong na idinispensa sa tangke kan sarong oto. Higit pa sa panggatong, parati man na sa sarong gasolinahan an kompresor kan duros, naparating piggagamit para sa pakupos nin gulong kan oto kun kinakaipuhan ini.

Kadakol mang pasilidad an umiiral sa sarong gasolinahan na mayong kinaaraman sa paggatong nin oto. Igwa man nin mga bakalan an dakol na mga gasolinahan, kun saen pwedeng magbakal nin sari-saring bagay arog kan pagkakan (parating tsitsiriya, kendi, asbp.), inumon, lana para sa makina, asin ibang mga bagay para sa mga oto asin sa kaginhawaan kan mga drayber asin pasahero.