Intsik na Mandarin

Guānhuà ('Mandarin') na nakasurat sa mga karakter na Intsik (Pinasimple sa wala, tradisyunal sa too)

An Mandarin o Estandarteng Mandarin, (國語/国语) o sinasabi man na iyo an Estandarteng Pangataram na Intsik, iyo an modernong opisyal na Insik na lenggwahe kan bilog na Mainland China, kan Taiwan asin saro sa opisyal na tataramon man kan Singapur.

Ponolohiya

An ponolohiya kan Estandarteng Mandarin itinugmad sa dyalektong Pekin, sarong mahiwas asin dakulang grupo nin mga dyalektong Intsik na lakop sa habagatan asin sur-solnopan kan kadagaan kan Tsina. Siring man, an bokabularyo kaini ginuno man sa mga sinasabing dyalekto. An gramatika kaini ginibong estandarte sa mga nasusurat na obra literaryo kan inaapod na Vernacular Chinese na iyo man ngani an sinusunod na praktis kan mga dyalektong Mandarin, maliban sana sa magkapirang pagkakaiba. Kaya an "Estandarteng Mandarin" arapodan sana "Mandarin" kun gamit sa ordinaryong sitwasyon na bakong pang-akademiko. Alagad, an mga linggwista boot sabihon kan "Mandarin" iyo na an bilog na kahiwasan kan lenggwaheng ini.

An 'Estandarteng Mandarin binibisto sa manlaenlaen na pangaran:

• sa People's Republic of China bisto ini sa apod na Pǔtōnghuà (tradisyonal na Intsik 普通話; pinasimpleng Intsik 普通话;na boot sabihon, pangataram na ordinaryo).

• sa Republika kan Tsina (Taiwan) Guóyǔ an apod (tradisyonal na Intsik 國語;pinasimpleng Intsik国语, lenggwaheng nasyonal)

• sa Malaysia asin Singapur, apod kaini Huáyǔ (tradisyonal na Intsik 華語; pinasimpleng Intsik 华语, lenggwaheng Intsik na pangkultura)

Maski siring an manlaenlaen na arapodan, an mga kaiintsikan sa mga kumonidad sa kinaban ginagamit ining paribay-ribay sana. [1]