Maria Montessori

Maria Montessori
Pinta ki Montessori, kagpintura dai midbid
Kamundagan	Maria Tecla Artemisia Montessori (1870-08-31)Agosto 31, 1870 Chiaravalle, Marche, Italy
Kagadanan	Mayo 6, 1952(1952-05-06) (edad 81) Noordwijk, South Holland, Netherlands
Lulubngan	Noordwijk, Netherlands
Edukasyon	University of Rome La Sapienza Medical School
Trabaho	Doktor edukador
Midbid bilang	Kagmukna kan Metodo Montessori nin edukasyon
Mga aki	1
Lagda

Si Maria Tecla Artemisia Montessori (/ˌmɒntɪˈsɔːri/ MON-tiss-OR-ee, Italian: [maˈriːa montesˈsɔːri]; Agosto 31, 1870 – Mayo 6, 1952) sarong Italyanong doktor asin edukador na bantog sa saiyang pilosopiya sa edukasyon na nagdadara kan saiyang pangaran, asin saiyang mga sinurat dapit sa sayantipikong pedagohiya. Sa amay na edad si Montessori nag'enrol sa mga klase nin sa eskwelahan teknikal na panlalaki, sa pigmawot na magin siyang inhenyero. Naghira isip niya asin naglaog logod sa eskwelahan medikal sa Sapienza University of Rome, kun saen sya nagtapos may onra kan taon 1896. An saiyang metodo edukasyonal gamit-gamit ngonyan as bilog na kinaban sa mga pampubliko asin pribadong mga eskwelahan.

Buhay asin karera

Pagkamundag asin pamilya

Si Montessori namundag kan Agosto 31, 1870, sa Chiaravalle, Italya. An ama niya si Alessandro Montessori, edad 33, sarong opisyal sa Ministro nin Pinansya na nagtatrabaho sa sarong lokal na pabrika nin tabako. An saiyang ina si Renilde Stoppani, edad 25, sarong edukada asin nakakapinsan sa Italyanong geologo asin paleontologo na si Antonio Stoppani. Manta na siya mayo man partikular na mentor, siya ugos na gayo sa saiyang ina na siya pirmi nang pighuhurot magpapdagos sa pag'adal. Siya igwa man maasikasong ama maski ngani dai uyon sa saiyang ruta sa edukasyon.