Matthias Grünewald

Grünewald's John the Evangelist. An trabahong ini haloy nang pigtutubodan na si Grünewald mansana an pininta niya.

Monumento saiya ni Ferdinand von Miller (1824)nakaag sa atubangan kan Würzburg Residence

Si Matthias Grünewald (c. 1470 – 31 Agosto 1528) sarong Renasimyentong aleman na pintor nin mga relihiyosong obra na dai pigtawan importansya an Renasimyento (klasisismo]] ta nagpadagos pag'ayog sa estilo nin huring medieval Europeo Sentral na arte hanggan ika-16 na siglo. An kangaranan niya nasusurat man na Mathis asin saiyang apelyido natatala man na Gothart o Neithardt.

Sampolo sanang pinta kan mga ginibo niya an natatada asin naririmpos, gabos relihiyoso, dawa sinasabi na an dakul pa kani nnagkawarara sa dagat kan ini dinarara sa Sweden komo inalamosa kan magkagera. Siya dai naiilawan sagkod na nagtongtong an kahurihan nin ika-19ng siglo, kun kasuarin dakul kan saiyang mga obra pigsasaboot na mga gibo ni Albrecht Dürer,na ngonyan hinihiling na antitesis niya sa estilo. An ;pinakadakula asin mas bantog na obra niya iyo an Isenheim Altarpiece namukna kan c. 1512 abot 1516.

Buhay

Siya namidbiran na gayo kan siya buhay pa komo sarong mahusay na pintor alagad dikit an detalye personal an naaraman manongod saiya. An enot na nag'unambit saiya iyo an an Aleman na historyador sa arte na si Joachim von Sandrart, na sinsabi niya si Grünewald kan 1505 may piggigibo na dekorasyon sa eksterior nin retablo na ki Albrecht Dürer sa Frankfurt. Iyo ini an klase kan mga trabaho nin mga nobato kaya matantyang siya namundag kan 1475. Si Sandrart narekord na si Grünewald igwang adalan saiya na si pintor Hans Grimmer, na nagin man ngani bantogan alagad kadakuli kan obra kaini nagwarara durante kan Thirty Years' War. Si Sandrart pigmomostra na si Grünewald bakong magirong asin mamundo sa buhay asin nakapangagom na daing kaogmahan.

An Isenheim Altarpiece, Colmar, yaon sa Unterlinden Museum