Merito Espinas

Gikan sa Bikol Sentral na Wikipedia, an talingkas na ensiklopedya
(Nakatukdo hali sa Merito B. Espinas)
Jump to navigation Jump to search

Si Merito B. Espinas sarong Bikolanong parasurat, iskolar, asin edukador. Siya an kaggibo kan librong Ibalong.

Adal asin mga pagtokdo'[baguhon | baguhon an source]

Siya tapos sa kolehiyo, A.B. sa Pilosopiya, M.A. sa Ingles (Meritissimus) asin Ph.D. Siya an 1965 Bipradas Palchaudhuri fellow kan Unibersidad kan Calcutta sa India. Nagin man siyang profesor nin pilosopiya, comparative religion, literatura, speech asin Ingles, sa humanidades asin sa syensya sosyal.

Nagtokdo siya nin Oriental Philosophy sa Graduate School kan Unibersidad kan Sto Tomas asin nagin sarong beses paratokdo sa Unibersidad kan Nueva Caceres sa syudad kan Naga. Sa Aquinas na Unibersidad kan Legazpi kinaptan niya bilang pamayo, sa magkairibang panahon, an Departamento sa Ingles, Literatura asin Speech, sa Departamento kan Syensya Sosyal, kan Humanidades asin Behavioral Sciences, asin nagin man siyang Assistant Dean kan Graduate School. Sa Bicol University, nagin siyang dean kan College of Arts and Sciences.

Dakulon pa man siyang mga sinurat na nalagda' sa mga magasin, msa pang-iskolar na journal, sa mga peryodiko asin mga libro na an tinotokar iyo an sa pilosopiya, literatura, relihiyon, kultura asin Ingles.

Kan 1983, nagin siyang editor kan Bikol Voices Anthology[1] na an mga napapalaman mga artikulo tinokda' kan mga Bikolanong parasurat.

Komo dakul an saiyang pinagkakainteresan, nag'adal man siya sa mga bagay-bagay na supernormal, mga istoryang banwaan, sa historya asin kultura, sa arkeolohiya asin siring man sa kapalibutan asin sa mga isyung ekolohiko.

Mga pag'onra saiya[baguhon | baguhon an source]

  • Bikolista Award, iginawad saiya kan Ateneo de Naga (1988)
  • Outstanding in Bikol Culture Award, iginawad kan gobyerno kan syudad nin Legazpi (1970)
  • Outstanding in Schbolarship, iginawad saiya kan University of Nueva Caceres Alumni Association (1963)

Mga iba pang kargong kinaptan[baguhon | baguhon an source]

  • Chariman kan Albay Provincial Tourissm Council
  • Chairman kan Community Information Center (PIA, Legazpi City)
  • Adviser sa Albay-Legazpi Arts Council
  • Consultant sa Ibalong Festival Executive Committee
  • Adviser sa Historical, Cultural and Archaeological Society of Albay

Mga napalagda' na libro[baguhon | baguhon an source]

  • Ibalong: The Bikol Folk Epic Fragment. UST Publishing House. UST. 1996. 158 na pahina
  • Mayon Volcano (Bikol Heritage Series). A.M.S. Press. 1978. 48 na pahina.

Mga toltolan[baguhon | baguhon an source]

  1. Espinas ,Merito B.(1983). Bikol Voices: Anthology.Legazpi City: Bicol University.

Ginonoan[baguhon | baguhon an source]

  • Datos kan buhay niya asin kan retrato niya sinapi' sa libro niyang Ibalong: The Bikol Folk Epic Fragment.

Mga panluwas na takod[baguhon | baguhon an source]