Hilingon an source kan Mudra

[[File:Shiva_as_the_Lord_of_Dance_LACMA.jpg|thumb|An ika -10 siglo kan dinastiyang Chola na bronseng iskultura kan diyos na Hindu na si Nataraja (Shiva) na nakapostura nin manlaenlaen na mudra.]]
[[File:WLA_lacma_Buddha_Shakyamuni_ca_850_Gaya_District.jpg|thumb|Estatwa kan Indyanong Budha Shakyamuni na ginibo an bhūmisparśa o "dagang saksi" na mudra, mga 850.]]
[[File:白描印相図巻-Scroll_of_Mudras_MET_DP234314.jpg|thumb|An ika-12 siglo na rolyong Hapones na nagpapaheling nin laen-laen na pagmustra nin mudra.]]

An '''mudra''' ([[Sanskrito]]: मुद्रा, IAST: ''mudrā'', "selyo," "marka," o "pagmustra"; Tibetan: ཕྱག་རྒྱ་, THL: chakgya) sarong simboliko o ritwal na pagmustra sa [[Hinduismo]], [[Jainismo]] asin [[Budhismo]].<ref>''[[Encyclopædia Britannica]]''. (2010). [https://www.britannica.com/EBchecked/topic/396017/mudra "mudra (symbolic gestures)"]. Retrieved October 11, 2010.</ref> Mantang kalabot sa nagkapirang mudra an bilog na hawak, an kadaklan ginigibo sa paagi kan mga kamot asin moro.<ref>{{Cite web |url=http://faculty.washington.edu/prem/mw/m.html |title=Word ''mudrā'' on Monier-William Sanskrit-English on-line dictionary: "N. of partic. positions or intertwinings of the fingers (24 in number, commonly practised in religious worship, and supposed to possess an occult meaning and magical efficacy ''Daś'' (''Daśakumāra-carita''). ''Sarvad''. ''Kāraṇḍ''. RTL. 204; 406)" |access-date=2012-05-13 |archive-date=2012-12-03 |archive-url=https://web.archive.org/web/20121203191432/http://faculty.washington.edu/prem/mw/m.html |url-status=dead }}</ref>

Siring man sa pagigin espiritwal na mga mustra na ginagamit sa ikonograpiya asin espiritwal na kaugalean kan mga relihiyon na Indyano, an mudra may kahulogan sa dakol na klase nin bayleng Indiyano, asin yoga.  Laen-laen an sokol nin mudra na ginagamit sa kada langtad (asin relihiyon), alagad an iba may nagsusuroknonangan.  Dugang pa, dakol sa mudra na Budhista an ginagamit sa luwas kan Habagatan na Asya, asin nakapatalubo nin laen-laen na lokal na porma sa ibang lugar.

Sa [[hatha yoga]], an mudra ginagamit katakod sa pranayama (mga ehersisyong yogic sa paghangos), sa pankagabsan mantang nasa posisyon na nakatukaw, tanganing pukawon an laen-laen na parte kan hawak na may kaibang paghangos asin makaapektar sa bulos nin [[prana]]. Kairiba man ini sa [[Bindu (simbolo)|bindu]], [[bodhicitta]], [[amrita]], o agimadmad sa hawak. Bakong arog kan mas gurang nang tantrikong mudra, an hatha yogic na mudra sa pankagabsan mga hiro-hiro sa laog, na kalabot an salog na pelvic, diaphragm, halonan, mata, dila, anus, ikinabuhay, abdomen, asin iba pang kabtang kan hawak. Mga halimbawa kan diversidad na ini nin mudra iyo an [[Bandha (yoga)|Mula Bandha]], [[Mahamudra (Hatha Yoga)|Mahamudra]], [[Viparita Karani]], [[Khecarī mudrā]], asin [[Vajroli mudra]]. An mga ini naghiwas sa bilang poon 3 sa [[Amritasiddhi]], sagkod 25 sa [[Gheranda Samhita]], na may klasikal na set nin sampulong pag-aayos sa [[Hatha Yoga Pradipika]].

== Toltolan ==
{{reflist}}
{{stub}}