Jesse M. Robredo Coliseum
An Jesse M. Robredo Coliseum sarong coliseo sa siyudad nin Naga, Camarines Sur, Filipinas. Ini pwede magtukaw nin sobra sa sampolong ribong tawo. Pig'inaguraran asin binuksan sa publiko ini kan Septyembre 2, 2010.[1]Sinasabing ini na an ika-duwang pinakadakulang estrukturang may soklob, segunda sa Araneta Coliseum, sa bilog na Filipinas.[2]
Pigtogdok ini sa katuyohan bako sanang magin sarong isports arena kundi tiponan para sa mga okasyon sa siyudad kun piyesta o anoman na mga importanteng kasibotan. Igdi ginibo na an tournament sa basketbol kan Philippine Basketball Association asin idtong mga nakaagi nang mga beauty pageant tuyong piyestang Peñafrancia.
An coliseo igwang 20 pwesto sa ibaba na pinaparenta asin sa mezzanine, may 11 yunit. An hiwas kan coliseo nag'abot 10,000 metro kwadrado na may dagdag pang 7,000 m.k. sa palibot para sa paradahan kan mga lunadan. Ini nakalaklak sa dagang rogaring kan gobyerno lokal na may hiwas na 11,211 m.k. sa irarom kan T.C.T. numerado 45576.[3]
Mga panluwas na takod[baguhon | baguhon an source]
- Mga iba-ibang gasto sa pagpatogdok kan coliseo Archived 2012-05-25 at the Wayback Machine.
- Naga City Government Website Archived 2011-02-06 at the Wayback Machine.
