Nairobi

Tanawon kan syudad

An Nairobi

An Nairobiiyo an kabisera asin pinakadakulang syudad kan Kenya. An syudad na ini asin an kaparalibot niya iyo an nagbibilog kan Nairobi County. An "Nairobi" hale sa katagang Maasai na "Enkare Nyirobi" na boot sabihon "an lugar na malipot an tubig". Pero ini bantog man sa deskripsyon na "Berdeng Syudad sa Saldang" asin napapalibotan na nin nagdadakulang suburbia. 'Nairobyano' an apod sa mga taga-igdi.

Minukna ini enot komo sarong simpleng istasyon nin tren na iyo an nagsusumpay kan Mombasa sa Uganda, alagad marikas an banwaan na nagin kabisera kan British East Africa kan 1907 asin tapos nagin nang kabisera kan sarong talingkas na republika nin Kenya kan taon 1963. Sa periodo na siya kolonya pa, an syudad nagin sentro sa negosyo nin kape, tsa, asin sisal. An Nairobi kabisera man kan Probinsya nin Nairobi asin kan Distrito nin Nairobi. An syudad namomogtak sa may salog kan Nairobi, sa bandang habagatan kan nasyon, asin may langkaw na 1795 m sa lebel kan dagat.

An Nairobi iyo an pinakamatawong syudad sa Subangan Aprika, na tinataya an populasyon naabot 3 milyon. Susog sa senso kan 2009, 3,138,295 milyon katawo an nageestar sa laog nin 696 km2 (269 sq mi) kan administratibong sona nin Nairobi. An syudad iyo ngonyan an ika-12ng pinakadakulang syudad sa Aprika kun ibabale an populasyon sa mga suburb.

Mga panluwas na takod

• The City Council of Nairobi Archived 2012-07-22 at the Wayback Machine. (opisyal na websayt)
• National Museums of Kenya (opisyal na websayt)
• The Nairobi Social Audit Report Archived 2011-02-25 at the Wayback Machine.