Wikipedia:Paghikos(nin Tataramong Busay)

Asus, baya, dangoga, abang dahom baga sa puso asin talenga.

Uya, hilnga, ta sa mata minaparigos nin luha o baya gan-ot.

Ta sa paghiling kan iba timawa, alagad, yaon baga an higos niya.

Putula baya an tubong sugpon sa paghikos, ta an likidong bugwas,

Minakutipas sa sumpit kan sadit na labot.

Dunggoa an paros na minasaritsit sa belong manipis na yamit.

Ta mahiling mo an guhit kan gayon na minapuripot sa ulnan kaini.

Kusugi baya an pagkapot, ta an likidong buhay minahuy-ag.

Baya sigeha an paglakaw sa dila nin paghikos o tipona

sa busay nin paglaom, ta dangoga, uya na an kaomagahon.

Tadaw baya ta naghinugak ka? Busay mong tataramon maogma.

Haen na baya si pagmakulog mo kan sadire mong pataratara?

Dae daw pagtuguti na mahoom sa likod kan naglalaad na kalayo,

ta kadakol kita, bilanga, maski dikit kita, hilnga, rinibong bagay baga.

Kaya, hingoha sa paglangoy sa salog o busay, maghikos nin laway.

Pahalnasa baya an ngiwi sa pagsambit kan hamis mong kuyapos.

Ta kun minsan an kakurikutan kan dila mo pormang buhok

na minabuswang sa likod kan maitomon na panginuron,

na nagkukurugusan sa takig asin takot, o baya lakilok.

Dae na paghalata an pagtipwak kan dura sa agi nin limos.