Parkour
An parkour (hinayukong, PK) saróng disiplina sa pisikal manungód sa alistong paghirô sa mga mauláng na lugar. An katuyohán kan disiplina iyoó na matukdoán an mga partisipante kun pàno maghirô sa paralibot na marikás sa paagi nin paglampáw, paglitong, pagdalagan, pagpaulantó, pagsakát, pagboboro-balanse, asín pagluksó. An mga tagasunód sa arog kainíng disiplina inaapód sa Pranses na "traceurs".
An nagpauróg asín nagpalakóp kainíng gawì sa Pranses iyó si David Belle. An historyang moderno kan parkour nagpoón kan mga 1920, dawà nganì igwá nang arog kainí kan mga inot na panahón sa martial arts nin Subangan arog kan ninjutsu asín ging gong. Sinasabing si George Hebert an nagpoón magturutukdô kan mga panginot na hirô agíd sa parkour kan siring man na mga panahón. Sa kahaloyan, an sirng na pag-estira nasunód na sa militar Pranses. Sa David asín Raymond Belle iyó an mapadakulà kan pinònan ni Hebert malà ta si David natugdás na niyá an grupong Yamakasi, an pinakainot na grupong nakatoon saná sa praktis nin parkour.
Mga paghihiro
[baguhon | baguhon an source]Mayong pirmihan na mga hirô sa parkour ta lambáng uláng tinatanya saròsarô asín depende. Paratî sa mga sitwasyon, an epektibong teknik nin parkuor iyó an pagpabarobalyó kan gabát kan hawak asín an paggamit kan aronsa nin hawak sa maliksíng paghirô nganì magibo an mga dipisil asín haros garó imposibleng mga maniobra. An pagpadupyás kan pwersa sarô man importanteng teknik arog kan mapalitong na saná sa paghugpâ kan hawak nganì dai masobrahan sa hugdô an mga tabáy asín an udóg. An siring na teknik nagigin posible asín bakóng peligroso sa mga nag-parkour an paglumpát halì sa mga haralangkáw na lugar.
Susog ki David Belle, an praktis iyó an paghirô sa paagi na mas halawig an maaabót na lugar ta kumbaga garó piglalamág asín nagdadalìdalî na makadulág o makarayô. Saká, kun madumán haling A pasiring sa B, kaipohan makabalík sa A haling B alagad bakô sa mga parehong hirô. Apesar kaiyán, igwá man talaga nin mga marahayrahay na mga teknik na itinutukdô asín probado na, para sa mga nobato. Importante kainíng gayo, iyó an tamang pagluksó asín paghugpâ. An pagpalitong, na nalimite sa hugdô asín an pag-aprobetsa kan aruhoy nin hawak paabante, mga bagay na tinatàwan doon sa pag-aadal kan parkour.
Mga panluwas na takod
[baguhon | baguhon an source]- Sarong libro dapit sa Parkour Archived 2012-04-25 at the Wayback Machine.