Payag

Chozo sa Extramadura, Espanya.

An payag iyo an sadit na harong, kun saen posibleng tinogdok gamit an manlaenlaenlaen na lokal na materyales. An mga payag iyo an klase nin vernacular na arkitektura nin huli ta sinda tinogdok gamit an mga materyales na madaling makua sa kapalibotan siring kan kahoy, nyebe, yelo, gapo, duot, dahon kan palma, mga sanga, kublit kan hayop, tela, o laboy gamit an teknik na ipinasa sa mga kapag-arakian.

Sa pankagabsan, an konstruksyon kan payag bakong komplikadong marhay kisa sa harong (masarig, istaran na tinogdok nin marhay) alagad urog kamarhay kisa sa shelter (lugar kan mga refugee o kaligtasan) siring kan tolda asin ginagamit bilang pansamantala o panapanahon na shelter o bilang permanenteng istaran kan ibang katutubong sosyedad.

Nag-eeksister an mga payag sa gabos na kultural nomadiko. An ibang mga payag madaling darahon o bitbiton maski saen magduman asin pwedeng magtagal sa kadaklan na kamugtakan nin panahon.