Teleserye

An drama sa telebisyon sa Filipinas, na inaapod man na teleserye, Philippine telenovelas o P-drama, saróng porma nin melodrama, sineryal, television fiction sa Filipinas. An Telelerye kinua sa duwang katagang Filipino: "tele," halipot para sa "telebisyón" asin "sérye".

An mga teleserye may kaibang mga karakteristiko asin may mga gamot na kaagid nin mga soap opera asin telenovela. Minsan siring, sinda nag-ebolusyon na may pambihirang mga karakteristiko, asin parateng nagpapabanaag nin sosyal na realidad sa Filipinas. Ipinadalan an mga teleserye sa hapon asin sa pangenot, limang aldaw kada semana. An saindang mga paradangog minabalyo sa edad asin mga linya nin gera, asin igwa sinda nin pinakahalangkaw na bilang nin pag-anunsyo sa industriya nin telebisyon sa Filipinas. An mga serye minalawig poon tolong bulan sagkod sa sarong taon o mas halawig, depende sa ratings.

Kaiba man sa mga drama sa telebisyon sa Filipinas an mga seryal asin antolohiya, na parating ipinapahiling serosemana. An mga dramang ini igwa nin limitadong bilang nin mga pangyayari asin parateng naghahaloy nin sarong kapanahonan, depende giraray sa ratings.