Romulo Jallores

Si Romulo "Che" Jallores o Kumander Tangkad, namundag kan Nobyembre 8, 1945 sa Moriones, Ocampo, Camarines Sur sarong Bikolanong aktibista sa Metro Manila na nakisaro sa mga kapwa estudyante kan First Quarter Storm.

An First Quarter Storm nagtapos sa pagdedeklara kan Batas Militar kan 21 September 1972.

Agi-agi

Sya nag-adal sa Moriones Public School (elementarya) asin sa Sta. Clara Academy (haiskul) sa Tigaon, Camarines Sur. Pakatapos kaini, nagpa-Manila sya kun sien asin kun ano-ano an linaogan nyang trabaho: nagtrabaho sa sarong carwash shop nin tulong taon, nagin foreman sa construction nin duwang taon asin sarong taon nagtrabaho komo machine shop helper.

Basado sa website kan NDF, an sarong pag-uugali ni Romulo Jallores iyo an hararom na pagmakulog sa mga tios. Mala daa ta sabi ni May Silay, saiyang ina, pirming nagtataram saiya na tratuhon maray an mga katabang asin pagtawan gubing an mga pobre.

Saro sya sa mga militante na prinobaran na maglaog sa Malakanyang kan kasagsagan kan mga rally sa First Quarter Storm kan mga inot na taon kan '70s. Sya asin an tugang niyang si Benjie Jallores an mga nanginot sa pag-organisar kan New People's Army (NPA) sa Caramoan Peninsula. Sinda an nagtanom kan pisog nin NPA sa Rehiyon nin Bicol.

Nagadan sya sa encounter sa Ateneo Avenue, Syudad nin Naga Disyembre 30, 1971 sa hubin pang maray na edad na 26 anyos.

An komand kan New People's Army sa Bicol ipinangaran sa saiya.