Jump to content

Simbahan nin San Antonio de Padua (Camaligan)

Gikan sa Bikol Sentral na Wikipedia, an talingkas na ensiklopedya
(Nakatukdo hali sa Simbahan nin Camaligan)
An simbahan kan 2024

An Simbahan nin San Antonio de Padua sa Camaligan, Camarines Sur, orihinal na inaapod bilang Simbahan nin Camaligan, sarong simbahan na Romanong Katoliko. Ini an saro sa duwang simbahan kan parokya kan Arkidiosesis nin Caceres na mahihiling sa banwaan nin Camaligan. Itinindog an parokya kan 1795. An enot na estruktura kan simbahan sa Camaligan na gibo sa mga gapo asin kadlagan, nasulo kan taon 1856. An presenteng arkitektura kan simbahan natapos sana kaidtong 1857,[1] sarong taon pagkatapos kan pagkasulo kan orihinal na estruktura. An Camaligan Church pinagkonsiderang saro sa pinakagurang na simbahan sa Camarines Sur na mayaman sa relihiyosong kasaysayan asin kultural, asin sarong bistadong lugar para sa Visita Iglesia.[1][2]

An simbahan nasa irarom kan sakop kan Vicariate Ni San Juan Evangelista. Iyo si Rev. Fr. Glenn C. Ruiz ang presenteng padi kang parokya kadtong Hunyo 18, 2018.

Kasaysayan

[baguhon | baguhon an source]

An Camaligan sakop kan eklesiastikal asin sibil na hurisdiksyon kan Nueva Caceres (ngunyan Syudad nin Naga) sa laog nin haros duwang siglo, poon taon 1578 hasta 1775.

Sa irarom kang administrasyon ni Obispo Domingo Ollantes, nagin independienteng yunit pulitikal an banwaan kan Camaligan kan taong 1775. Pignombrahan kan Franciscan Mission si Fray Rafael Benevente bilang pading paroko, kan taon 1795. [3]

Sarong simbahang gibo sa mga gapo asin estrukturang kahoy an itinogdok, alagad nasulo kan taon 1856.

Sarong taon pagkatapos kan pagkasulo kan orihinal na simbahan, kan 1857, sa irarom kan termino ni Fray Juan Ontiveros bilang padi kan parokya, natapos an presenteng estruktura kan simbahan. Sinasabi na kan nahaman an simbahan na ini, an tunay na tuyo kan mga prayle iyo an paraon an pre-kolonyal na klase nin pagbuhay asin mga kaugalean kan bagong nacional na banwaan sa pagsalingoy sa saindang istilo nin pagbuhay asin gawe-gawe kan panahon kang pre-kolonyal. Sa katunayan, an daga na kinatutugdukan kan simbahan sarong dating lubungan kan pre-kolonyal na panahon.[2]

Toltolan

[baguhon | baguhon an source]
  1. ↑ 1.0 1.1 "VISITA IGLESIA IN CAMARINES SUR, PHILIPPINES – 7 CHURCH IN 7 DAYS ITINERARY". Two Monkeys Travel. 2 February 2019. Retrieved 13 June 2019.
  2. ↑ 2.0 2.1 "Historic Camaligan". I Know Places. 30 March 2019. Retrieved June 16, 2019.
  3. ↑ Marcaida, Dominador Jr. "Camaligan Town and Municipality History". Academia. 30 September 2016. Retrieved June 16, 2019.
Kinua sa "https://bcl.wikipedia.org/w/index.php?title=Simbahan_nin_San_Antonio_de_Padua_(Camaligan)&oldid=275390"