Pagtukro

Duwang aking babaying Biyetnamita na nagtutukro

An pagtukro' o pagga'dat (Ingles: squatting) iyo an sarong kamogtakan, pwesto, o posisyon kun saen an gabat kan hawak iyo nakapatong sa mga tabay (siring kan sa pagtindog) alagad an mga tuhod tiklop nin biyo' asin an bool nagduduta'na sa lubot o daing gayo. Bilang pagkakaiba sa pagtukro, an pagtukaw lubot an nakasapaw sa silya o tukawan. Posibleng magtukro sa paagi kan sarong tabay sana asin ibugtak an saro pang tabay sa iba pang posisyon (siring kan pagluhod). Alagad, kun an lubot mismo an idinadata' sa salog inaapod na ining nakalamika' o nakalapiga'. Sa kamogtakan kan mga adultong Asyano, an pagtukro iyo parating pamribay sa pagtukaw o sa pagtindog.