Henry Sy

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
Si Henry Sy, Sr.[1]

Si Henry Sy (Tsino: 施至成; pinyin: Shī Zhìchéng; namundag, Desyembre 25, 1924) sarong Tsino-Filipinong negosyante asin siya an kagtogdas kan SM Group, asin chairman kan SM Prime Holdings, an pinakadakulang operador nin mga shopping mall sa Filipinas.

Edukasyon[liwatón | liwaton an gikanan]

Siya nagkamit kan degree sa Associate of Arts, Commercial Studies sa Far Eastern University kan 1950.[2]

Mga negosyo[liwatón | liwaton an gikanan]

Nagpoon si Sy sa pagkaag nin sarong sadit na tindahan nin sapatos sa Quiapo kan 1946, asta duminakula asin ngonyan igwa na siyang 41 mall sa bilog na Filipinas.[3]

Si Henry Sy, Sr. (Tsino: 施至成; pinyin: Shī ZhìChéng) binibistong "Retail King" kan Filipinas, iyo na an pinakamayaman sa Filipinas, na may yaman na $3,7 milyon kan 2007 maski sa tahaw nin krisis sa kinaban. An lista kan Forbes magasin sa 40ng pinakamayaman na Filipino, nagbuyagyag na an pamilya Sy may net worth na $7.2 bilyon[4] asin kun saen dati siya segunda sana ki Lucio Tan. Kan 2008, siya an ika-843 na pinakamayaman sa bilog na kinaban.

Si Sy inaapod na tai-pan, sarong pagtomoy sa mga negosyanteng tunay na darakula nang maray. Mala ta kan 2006 binakal niya pa an Equitable PCI Bank kun saen igwa siyang kahirasan na 34% asin ini pigsaro sa Banco de Oro Universal Bank, na nangyari iyo an nagin ikaduwang pinakadakulang bangko sa Filipinas na may resources nag'abot $17 bilyon. . Masabi pa, siya an kagrogaring man kan China Banking Corporation. An huringhuding iyo na an pamilya Sy daa igwang taya' na $4 bilyon sa tolong bangko pero daing malinaw na ebidensya kun iyo talaga an totoo.

Si Henry Sy, Sr. nangaranan na ""Management Man of the Year" kan Makati Business Club asin nagawadan nin Honorary Doctorate sa Business Management kan De La Salle University-Manila kan Enero 1999. Manta, pinagtogdas niya an SM Foundation, Inc., na nagtatabang sa mga dukha asin sa mga hubin na Filipinong may talento. Magkapira kan saiyang mga aki may kapot na mga halangkaw na katongdan sa saiyang mga kompanya dawa totoo pinili na niya si Teresita Sy-Coson asin an mga makuapo niyang sa Hailey Sy-Coson, Darcie Sy, asin Josiah Sy bilang masangle saiya sa pagpadalagan kan mga kompanya niya. An saiyang holding company, an SM In vestments Corp., pirming nasasambitan komo saro sa mga pinakamarahay an padalagan na kompanya sa Filipinas. Kan Mayo 20, 2006, an SM Mall of Asia, namomogtak sa dagang tinambak sa gilid kan dagat sa Pasay City, saiyang binuksan sa publiko. Ini iyo an ikaanom na pinakadakulang mall sa bilog na kinaban. Kan Mayo 2009, binuksan niya man an SM Naga, na iyo an pinakaenot na shopping mall na sadiri niya igdi sa Bicol.

An pagpalakop ni Henry Sy, Sr. kan saiyang negosyo nakaolanto pa sa ibang parte kan kinaban. Mala ta may tolong SM shopping mall na sa Tsina: SM North Xiamen, SM South Xiamen asin an SM Chuan kun saen ini nakamogtak sa Chengdu City province na an populasyon 70 milyon katawo. Igwa naman binuksan na SM supermall sa Guam.

Mga Negosyo Pang Iba[liwatón | liwaton an gikanan]

  • SM Investments Corporation (SMIC) is the holding company of the SM Group of Companies.
  • SM Prime Holdings, Inc. (PSE: SMPH) or SM Prime is the parent company of the SM Group’s shopping malls
  • Banco de Oro Universal Bank Inc. (BDO), originally known as Acme Savings Bank, was acquired by the SM Group in 1976.
  • Belle Corporation is a leading Philippine developer of high-end residential and leisure properties.
  • Highlands Prime, Inc. engages in developing leisure properties in the Philippines.
  • China Banking Corporation, together with its subsidiaries, provides commercial banking products and services to businesses and entrepreneurs, as well as to individuals in the Philippines.
  • SM Development Corporation (SMDC) was originally incorporated in 1974 as Ayala Fund, Inc., a closed-end investment company.

Mga Onra[liwatón | liwaton an gikanan]

  • Management Man of the Year" by the Makati Business Club – 1999
  • Honorary Doctorate in Business Management by De La Salle University-Manila in January 1999
  • 40 Richest Filipinos of 2008
  • Forbes magazine Heroes of Philanthropy 2009
  • 1st Chinese-Filipino recipient of the PCE Big Brother of Filipino Entrepreneurs award (2006)
  • 1st Chinese-Filipino recipient of the PRA President's Award (2005)

Mga panluwas na takod[liwatón | liwaton an gikanan]

Toltolan[liwatón | liwaton an gikanan]

  1. http://www.people.nfo.ph/businessman/henry-sy-sr/ Sinapi sa websayt na ini an retrato ni Henry Sy,
  2. Bignotia, Carmela (2007-03-10). "Henry Sy Sr.: The Man Truly Has It All". http://www.tsinoy.com/article_item.php?articleid=748. Retrieved on 2007-10-16 
  3. yahoo.com, Philippines mall mogul rakes it in as crisis hits rich: Forbes
  4. ^ "Tan, Razon join Forbes' richest list". The Philippine Star. March 11, 2011. p. 19.