Kinalas
An kinalas iyo an bersyon kan "mami" sa Bikol, pinaghalong pansit na may mainit na sabaw asin kinalas na laman asin hutok kan baka, pinasiram pa ini kan sikretong sarsa na inihahalo sa pansit. Ini iyo masiram asin paboritong kakanon kan mga Bikolano. Segun sa popular na kultura, mas masiram daa ining kakanon kun may halong sili. Ika-17 daa an kinalas sa 100 na pinaka-daindatang pagkakan sa kinaban susog sa online food guide na Taste Atlas.[1]
Pinaghalian kan tataramon[baguhon | baguhon an source]
An kinalas hali sa katagang "kalas" na boot sabihon iyo an pagkaros o pagtangkas kan karne sa pagkadukot kaini sa tu'lang. Orog na, ini an akto kan pagtangkas kan laman na hali sa payo kan orig o baka, kabali naman an hutok. Kaya inapod ining kinalas.[2]
An sikretong sarsa[baguhon | baguhon an source]
An sarsa kan kinalas kargado nin timpladong hutok kan baka o orig. Ini an nagtatao nin kasiraman sa timpla kan kinalas.
Mga masisiram na kinalasan sa Naga[baguhon | baguhon an source]
Lakop sa Siyudad nin Naga an mga kinalasan, alagad ini daa nagpoon sa Bgy. Dayangdang [3]. Dakul naman nin mga pwestong kinalasan sa ibang lugar sa ronang Bicol alagad sa luwas kan rona haros mayong makuang kinalasan.
Toltolan[baguhon | baguhon an source]
- ↑ Filipino spaghetti, hotsilog, kinalas, balut in Taste Atlas list of ‘worst rated foods in the world’ Manila Bulletin
- ↑ Hinglas calas, discarnar los huesos. Vocabulario de la Lengua Bicol. pahina 31. Kinua 8-4-16.
- ↑ Kinalas is comfort food brain Langyaw.com Kinua 8-4-16
