Teofilo Yldefonso

Teófilo Yldefonso

Si Yldefonso sa 1928 Olympics
Personal na kaaraman
Bilong na ngaran	Teófilo E. Yldefonso
(Mga) gaha	"Ilocano Shark"
Nasyunal na koponan	Philippines
Pagkamundag	(1903-11-05)Nobyembre 5, 1903 Piddig, Ilocos Norte, Isla nin Filipinas
Pagkagadan	Hunyo 19, 1942(1942-06-19) (edad 38) Capas, Tarlac, Filipinas
Langkaw	1.70 m (5 ft 7 in)
Gabat	73 kg (161 lb)
Isport
Isport	Paglangoy
Strokes	Breaststroke
Rekord nin medalya Panlalaking paglangoy} Nagrerepresentar kan Philippines Olympic Games 1928 Amsterdam 200 m breaststroke 1932 Los Angeles 200 m breaststroke

Si Teofilo Yldefonso (namundag, 5 Nob. 1903, Piddig - 19 Hunyo 1942, Capas) iyo an pinakaenot na Filipinong nakasikwit nin medalya sa Pakawat Olimpiko. Siya nakasikwit niin medalyang bronse sa ginibong Olimpiko sa Amsterdam kan 1928 sa paglangoy, 200-metro breaststroke. Naotro pa an panggana niya nin bronseng medalya sa parehong kompentensya kan taon 1932 na ginibo sa Los Angeles. Kan 1936, sa Olimpikong pakawat ginibo sa Berlin kan taon 1936, siya nagranggong ika-7 sa urumbasan nin paglangoy. An karera niya sa paglangoy nagsuma total na 16 taon.

Siya nakaamot nin 144 medalya sa 16 na taon kan saiyang karera sa paglangoy sa mga kompetisyon.

Pamilya

Namundag kan Nobyembre 5, 1903 sa Piddig, Ilocos Norte, An mga magurang niya iyo sinda Felipe asin Aniceta. Siya an sa tanga sa tolong magturugang, na an matua iyo si Vicente asin ngohod, si Teodoro. An ina niya nagadan sa pangaki ki Teodoro asin ta an ama ninda nagadan man dai naghaloy kaya sindang magtugang na Vicente nagbuhay magsadiri urawang nagaataman sa saindang ngohod na si Teodoro. An magturugang nakanood na gayo paglayong duman sa haraning salog na Salog Guisit.

Bago pa nagputok an gera si Yldefonso may agom na, si Manuela Ella kan taon 1925 asin nagkaaki sinda nin anom: Porfirio, Emilio, Felipe, Norma, Herminia, asin si Carmelito.

Gera

Kan 1941 an Estados Unidos naglaog sa Ikaduwang Gerang Pankinaban kan an Hapon binomba an Pearl Harbor sa Hawaii. Bilang tenyente sa Philippine Scouts, si Yldefonso nadamay sa gera. Kan isinuko ni Heneral Edward P. King an Bataan Peninsula kan Abril 9, 1942, an mga Filipino asin mga Amerikanong tropa pinirit kan Hapon na magmartsa nin 105 kilometrong distansya poon sa Mariveles, Bataan pasiring sa San Fernando, Pampanga. Sa Capas nautsan-buhay si Yldefonso, sabi sa helang na dysentery. Siya ilinubong sa sarong lulubngan na pangkagabsan asin dai na maaraman kun saen ini.

Pamanang walat

Kan 2010, si Yldefonso ibinali sa International Swimming Hall of Fame kan International Swimming Federation huli sa pambihirang istilo niyang paglangoy na inapod na "Istilo Yldefonso" na pig'araraan na gayo asin patin ngonyan pig'aararog kan mga modernong paralangoy asin ta siya binansagan na "Father of Modern Breaststroke". Nagtao ining istilong ini nin bentahe orog na sa mga saradit na Asyanong mga paralangoy.

Si Presidente Ferdinand Marcos piggawaran pasib si Yldefonso nin"Presidential Award for Meritorious Service". Kan 2006, sarong marker pinatindog sa saiyang namundagan na banwwaan nin Piddig, Ilocos Norte. Ngonyan, an saiyang rebulto man nakatindog igdi kataid kan nasabing marker.