100 na Bantog na Kabukidan kan Hapon

Gikan sa Bikol Sentral na Wikipedia, an talingkas na ensiklopedya
Jump to navigation Jump to search


An Bukid Fuji (3,776 m) gikan sa Asagiri-kōgen

An 100 na Bantog na Kabukidan kan Hapon (日本百名山, Nihon Hyaku-meizan) sarong libro na pigsurat kan 1964 kan paratukad-bukid asin awtor na si Kyūya Fukada.[1] Naging bantog an mga nasa lista kan pigta'wan mangno ini kan Tagapagmanang Prinsipe na si Naruhito[nangangaipo nin toltolan]. Naging urulayan ini kan mga dokumentos nin NHK, asin kan ibang mga librong pantukad. Pigpublikar kan University of Hawaii Press (ISBN 9780824836771) kadtong 2014 an pigpalis-taramon ni Martin Hood na Edisyong Ingles na One Hundred Mountains of Japan[2]

Uusipon[liwaton | liwaton an gikanan]

Poon pa kan Panahon kan Edo an pagpili kan mga bantog na bukid sa nasyon na Hapon. pigpuri ni Tani Bunchō an 90 na mga bukid bilang pigseselebrar na mga bukid sa 日本名山図会 (Sarong koleksyon kan mga mapa asin mga ladawan kan mga bantog na Kadukidan kan Hapon), alagad kaiba man na kabali sa mga ini an mga sararadit na na bukid arog na sana kan Bukid Asama sa Ise, Mie asin an Bukid Nokogiri sa Rawis nin Bōsō. Dai nauugmahan sa pagpili na ini, si Fukuda, na nakatukad na nin kadakol na mga bukid sa nasyon na Hapon, pigpili an 100 na pigseselibrar na kabukidan sa Hapon na pigbase sa kombinasyon kan grasiya, uusipon, asin pagkatawo, apwera digdi, dai pig-bali an mga bukid na igwang langkaw na mas hababa sa 1,500 m (4,921 ft).

Dawa kan enot dai ini bistado apwera sa pirang mga pagkamoot sa pagtukad nin mga bukid asin mausig na mga parabasa, may mga bareta na saro an listahan sa mga paboritong libro kan Prinsipe an nagpalangkaw kan propilya (profile) kaini. Sarong tawong mahilig sa bukid an Tagapagmanang Prinsipe sagkod kabali siya sa sarong alpine club, asin ipigbareta na pangiturog man niya na maabot an rurok kan lambang bukid sa listahan.

Poon pa kan ika-1980, igwa na nin biglang pagrikas kan pagtukad sa tahaw kan nasa hustong edad. Bako ining alpinismo para sa mga eksperto, kun minsan kaiba an pag-sakat nin gapo, na nabibisto, alagad imbis kaini, mas kaswal na pag-sakat o pagbabaklay para sa mga ordinaryong tawo. Gayunpaman, nin huli ta sa pagmukna kan mas dakol na mga dagusan asin mga agihan kan bukid, asin an pagpapamaray kan teknolohiya nin pag-mounting, posible na magsakat sa mga bukid na kadto nang pigkokonsiderar na masungit.

Naging lakop na babasahon an listahan, asin naglangkaw an pagtukad sa pagpili kan mga tawo nin mga bukid na sasakaton. Sa pag-arog ni Prinsipe Naruhito, dakol na mga tawo an naglaag man nin obheto na maabot an lambang rukrok sa listahan.

An mga programa nin pagtutukad-bukid kan NHK an nagtabang tanganing mapabisto an mga nasa listahan. Nagtelebisyon an istasyon nin sarong dokumentaryo manongod sa pagkua kan mga bukid sa listahan ning pasaro-saro, asin si Rambō Minami kan primer na pag-mounting para sa mga nasa may edad na. Nagguno ini nin labing lawig na popularidad, asin lakop na mabisto an listahan. Poon kadto, nagbutwa an mga listahan kan 200 asin 300 na kabukidan, mga listahan kan mga gatos kan mga bukid sa manlaenlaen na mga lokalidad asin mga lista kan 100 na maburakon na bukid.

Kan 2002, naitugdas an sarong bagong rekord na tumatakbo sa gabos nin mga bukid sa 66 na aldaw. Niribayan ini kan 2007, na igwang bagong nota nin 48 na dagos-dagos na aldaw.[3] Kadagdagang pigtapyas ini sa 33 aldaw kan 2014[4]

Pigpublikar kan University of Hawaii Press kadtong 2014 an pigpalis-taramon ni Martin Hood kan listahan sa edisyong Ingles na One Hundred Mountains of Japan.

Pagtatasa[liwaton | liwaton an gikanan]

Kun ikukumparar sa iba pang mga modernong sanaysay sa mga bukid kan nasyon na Hapon arog na sana kan Mountaineering and Exploration in the Japanese Alps ni Walter Weston, halipot sana an libro. Nagsusurat si Fukuda manongod sa mga uusipon kan mga bukid, lalo na an ginikanan kan saindang mga pangaran. Bako ining sarong teksto na mababasa kan mga tawo tanganing makaekpersyar nin pag-sakat o kalikasan. Nag-iisip an pipira na halawig na natanggap na naikaag an dahilan sa pokus 100 na mga bukid na bisto na.

Pamantayan kan pagpili[liwaton | liwaton an gikanan]

Pinili ni Fukada an 100 na mga bukid gikan sa mga 1,500 metro o mas halangkaw asin dai nahaloy, nagsakat siya, segun sa tolong pamantayan: grasiya, uusipon asin pagkatawo. Pinaluya niya an limitasyon kan altitud sa pirang mga pagsusuway, arog kan Bukid Tsukuba asin Bukid Kaimon.

Kadakol na manlaenlaen na opinyon manongod sa pamantayan para sa pagpili. Pirmi ining ipigtutukdo na pigtatawang doon kan listahan an mga bukid sa Ronang Chūbu. Naiulat na si Fukada, na hali sa Prepekturang Ishikawa, na pigdara kan paghiling sa Mt. Haku, alagad pinili man lang niya an 13 kadagdagang sulnupan.

Gayunpaman, nasa mata kan naghihiling an grasiya asin an sadiring katangian, asin sa bilog na historiya, kadakol na mga alamat an naiwarak manongod sa mga bukid sa bilog na Rehiyon Kinki. Apwera digdi, kadakol na mga nagpapadangat sa bukid Plantilya:Who an pinag-iiwalan poon sa Bukid Tsukuba, na may langkaw na 877 metro (876 sa oras) an napili, dapat magkaigwa man na mapili an pirang mga bundok sa ibang mga lokalidad.

Listahan sa lambang Rehiyon[liwaton | liwaton an gikanan]

Hokkaidō[liwaton | liwaton an gikanan]

Ronang Tōhoku[liwaton | liwaton an gikanan]

Hakkōda - 1,584m

Ronang Kantō[liwaton | liwaton an gikanan]

Bukid Nantai - 2,486m

Ronang Chūbu[liwaton | liwaton an gikanan]

Bukid Aino - 3,189m
Bukid Hotaka - 3,190m

Sulnupan nin Hapon[liwaton | liwaton an gikanan]

Mga tala[liwaton | liwaton an gikanan]

  1. Hyakumeizan, Hiking Japan! Archived 2007-01-09 at the Wayback Machine.. Japan Gazetteer. Accessed June 27, 2008.
  2. "Catalogue record". Worldcat. Retrieved 3 October 2019. 
  3. 百名山、最短48日で踏破 屋久の島津さん
  4. "「日本百名山」最短踏破に挑戦 札幌の男性". Archived from the original on 2014-11-29. Retrieved 2019-07-01.  Unknown parameter |url-status= ignored (help)

Hilingon man[liwaton | liwaton an gikanan]

Mga panluwas na takod[liwaton | liwaton an gikanan]

One Hundred Mountains of Japan