Jump to content

2021 Sur-subangan na Asyanong Karawat

Gikan sa Bikol Sentral na Wikipedia, an talingkas na ensiklopedya

An 2021 Sur-subangan na Asyanong Karawat (Vietnamese: Đại hội Thể thao Đông Nam Á 2021, lit. '2021 Great festival of Southeast Asian Sport'), opisyal na inaapod na 31st Southeast Asian Games, 31st SEA Games o SEA Games 31, asin minidbid man bilang Viet Nam 2021, iyo an ika-12ng edisyon kan Sur-subangan na Asyanong Karawat, an biennial rehiyonal na multi-sports na ginibo sa Hanoi, Vietnam asin sa palibot na mga siyudad kaini poon 12 sagkod 23 Mayo 2022.

Orihinal na plinanong mangyari poon 21 Nobyembre sagkod 2 Disyembre 2021, ini nahira sa kahurihurihi huli sa COVID-19 na epidemya sa Vietnam.[1] Tinatampok an 526 na events sa 40 manlaenlaen na sports na an mayoriya nangyayari kan nakaaging edisyon.Ini an ikaduwang pagkakataon na naghost an Vietnam nin mga kawat, na ginibo na iyan kaidto para sa 2003 na edisyon. An nasyon dating nagpasar nin bid sa 2018 Asian Games asin nanggana, alagad kan huri naghabo huli sa pinansyal na mga pagpopogol.[2]

An host na nasyon na Vietnam nagbutwa sa medalyang tally bilang kampeon sa kabilugan sa enot na pagkakataon sa 19 taon, na nagrekord nin 205 medalyang bulawan (an pinakadakul sa arinman na nasyon sagkod ngonyan) kaiba an 125 pirak asin 106 na bronse, na nakatipon nin 446 na medalya sa total. Sinundan sinda kan Thailand asin Indonesya, kaiba an Pilipinas asin Singapore na minalibot sa top singko.

Pagpili sa host[baguhon | baguhon an source]

An Hanoi asin Ho Chi Minh City kapwa nagsumitir nin bid na mag-host kan karawat. Mantang an Ho Chi Minh City enot nang pinaboran, an Hanoi iyo an sa huri an posibleng urog na marhay na lokasyon nin huli sa saiyang nag-eeksistir na imprastratukra para sa sports. Uminabot ini pagkatapos magmando kan Vietnamese Pamayong Ministro Nguyễn Tấn Dũng na an mga probinsya asin syudad na dai magtugdok nin mga bagong pasilidad para sa sports bilang cost-saving measure, suminunod an paghabo kan nasyon mag-host kan 2018 Asyanong Karawat nin huli sa pinansyal na pagpogol.[3][4]

Hanoi[baguhon | baguhon an source]

Segun sa isinumitir na propwesto kan Hanoi sa Ministro kan Kultura, Sports asin Turismo (MCST), an syudad magasta nin 1.7 trillion VND ($77 milyon) sa pag-andam asin pag-organisa sa 2-semanang karawat poon kan huring Nobyembre sagkod sa Desyembre. 97 bilyon VND ($4.3 million) an linalaoman na kikitaon sa karapatan sa brodkast, mga patalastas, sponsors asin iba pang mga kontribusyon.[5]

Ho Chi Minh City[baguhon | baguhon an source]

Kan December 2017, inaprobaran kan Ho Chi Minh City Municipal Standing Committee of the Communist Party an propwesto na mag-host an syudad. Segun sa propwesto, an direktang gastos para sa pag-host kan Karawat sa syudad kinakarkulo na magigin 7.48 trilyon VND ($330 milyon) kaiba an 6.6 trilyon VND (US$290 milyon) na gagastuson sa pag-upgrade kan mga pasilidad para sa sports asin 904 bilyon VND ($40 milyon) sa gastos kan pag-organisa. Minsan siring, saro pang 8.2 trilyon VND ($360 milyon) an kinakaipuhan para sa pagtugdok kan Rach Chiec Sports Complex mantang an iistaran kan mga atleta dai matutugdok. Madalagan an karawat nin 12 na aldaw sa katahawan kan Agosto asin madadalan an 30-36 sports na nagralaban-laban. An mga probinsya kan Đồng Nai asin Bình Dương mahost man kan kabtang kan karawat.[6]

Desisyon[baguhon | baguhon an source]

Kan July 9, 2018, pinili kan gobyerno kan Vietnam an Hanoi bilang host na syudad nin ika-31 na SEA Games asin an 2021 ASEAN Para Karawat, kun saen sa huri rinatipikahan kan Pamayong Ministro kan Vietnam na si Nguyễn Xuân Phúc kaidtong November 13, 2019.

An Karawat[baguhon | baguhon an source]

Regulasyon sa COVID-19[baguhon | baguhon an source]

Nin huli sa pandemyang COVID-19, gabos na atleta asin opisyal na maralog sa Vietnam hinahagadan na dapat nin negatibong PCR-based COVID-19 test sa laog nin 72 oras kan saindang paghale. Sa laog nin 24 oras nin paglaog asin sa saindang mismong event, an mga partisipantes dapat na itest giraray gamit an marikas na pagtest.[7]

Parada kan mga Nasyon[baguhon | baguhon an source]

Lambang delegasyon pinangenotan kan sarong babayi na nakasulot nin pulang Áo dài na printed nin floral pattern na may bitbit na oval-shaped placard na nakasurat an ngaran kan delegasyon.

Pasunodsunod Nasyon Tagadarang wayaway Patiribayan
1  Brunei (BRU)
(Brunei Darussalam)
Anisah Najihah Abdullah[8] Pencak silat
2  Kambodya (CAM) Jessa Khan Jujitsu
3  Indonesya (INA) Emilia Nova Athletics
4  Laos (LAO) Soulasith Khamvongsa[9] Pétanque
5  Malasya (MAS) Nur Dhabitah Sabri Diving
6  Myanmar (MYA) Aung Tun Min Sepak takraw
7  Filipinas (PHI) Ernest John Obiena Athletics
8  Singapura (SGP) Sheik Farhan Pencak silat
9  Tailandya (THA) Suvijak Khunthong Jujitsu
10  Subangan na Timor (TLS) Ana Da Costa Taekwondo
11  Bietnam (VIE) Nguyễn Huy Hoàng Swimming

Toltolan[baguhon | baguhon an source]