Syudad nin Mehiko
An Syudad nin Mehiko (Ingles: Mexico City), bistado man sa pangaran na Distrito Federal sa Espanyol, an kapitolyo kan Estados Unidos Mexicanos asin trono nin poder na sentral kaining nasyon. Namomogtak ini sa tahaw nin nasyon buda sa sarong meseta na 3,930 metros kahalankaw.
Ini an pinaka importanteng sentro nin politiko, kultura asin ekonomiya nin nasyon; nagkokontribwi an Distrito Federal sa ikalimang partido nin ekonomiya nin Mexico. An syudad an pinaka matawo sa nasyon buda saro sa pinaka matawo sa enterong kinaban sa populasyon na 20,720,415 (2005).
Segun sa Reporte Urbanistiko nin nasyones Unidos an area metropolitan nin Mexico ikaduwang pinaka matawo sa kinaban, sunod sa Tokyo. Saro ini sa mga syudad na pigkonkonsiderar na syudad pankinaban.
An kadakulaan kaining syudad baku sana sa populasyon alagad pati sa sukol: 50 kilometros kahalaba hale sa Norte paage sa Sur, asin 35 kilometros hale sa Subangan paage sa Sulnopan.
Klima
[baguhon | baguhon an source]Sa pagkamogtak nin syudad sa tahaw nin sarong halankaw na meseta, templado an klima kaini, muyang sabihon, bihira an panahon na sobra an init o sobra an lipot. Pinaka malipot sa Enero na an temperatura nagiiro sa palibot nin 19 na grado sa aldaw buda 6 na grado sa banggi. Pinaka mainit sa Mayo na an temperatura nasa palibot nin 26 na grado sa aldaw asin 12 na grado sa banngi. Sa ibang pagtaram, gari Baguio, pero mas malipot sobre todo sa taglipot (Nobyembre- Pebrero).
Panluwas na takod
[baguhon | baguhon an source] |
An Wikimedia Commons igwa nin medya dapit sa Syudad nin Mehiko. |
Heyograpikong datos dapit sa Syudad nin Mehiko sa OpenStreetMap- Mexico City Government (sa Espanyol)
- Mexico City Tourism Ministry (sa Espanyol)
