AURORA (parakanta)
Si Aurora Asknes (namundag Hunyo 15, 1996) [1][2] bistado sa ngaran na AURORA, [3] sarong Norwegian na parakanta, parasurat ning kanta asin record producer. Namundag sa Stavanger asin nagdakula sa mga banwaan nin Høle asin Os, siya nagpoon magsurat kan saiyang inot na mga kanta asin nag-adal nin bayle sa edad na anom. Sagkod pakalaag kan iba niyang mga kanta online na naging bantog sa Norway, kan 2014 nagpirma siya nin kontrata sa Petroleum Records, Decca asin Glasssnote Records [4] Nabisto si Aurora sa saiyang inot na extended play (EP), Running with the Wolves (2015), na yaon an sikat na kanta na "Runaway". Huri kan taon na idto, siya an nagtao ning backing track para sa sarong John Lewis Christmas advert, nagkakanta nin cover kan kanta ning Oasis, "Half the World Away".
An debut studio album ni Aurora, All my Demons Greeting Me as a Friend (2016) nakakua nin marahay na tuyaw. An panduwa niya na EP iyo an Infections of a Different Kind (Step 1) (2018) asin A Different Kind of Human (Step 2) (2019). Saiyang ikatulong studio album na The Gods We Can Touch iniluwas kan 21 Enero 2022.
An saiyang musika urog na electropop, folk, asin art pop. Nagtogtog sana siya nin piano sa kapinonan kan saiyang karera, alagad kan huri napalabot an sadiri nia sa percussion asin iba pang aspeto nin paglukma nin musika.
Nagtabang man sya sa pagsurat para sa ibang mga parakanta, kaiba na sina Icarus, Askjell, Lena, Travis, Tom Odell asin The Chemical Brothers. Nag-ambag man sya ning mga kanta para sa magkapirang pelikula asin mga serye sa telebisyon, kaiba an Girls, Frozen II asin Wolfwalkers.
