Abbottabad
An Abbottabad (/ˈæbətəˌbæd/; Urdu: ایبٹ آباد Ābṭābād; sinasayod [ˈaːbʈaːbaːd̪]) sarong siyudad namomogtak sa rona nin Hazara kan probinsya nin Khyber Pakhtunkhwa, sa Pakistan. An pangaran kaini ginuno sa pangaran ni James Abbott, sarong administrador na Briton sa lugar na ini. [1]. An siyudad mismo namogtak sa Orash Valley, 115 kilometro (71 mi) an rayo sa bandang norte-subangan kan kabeserang Islamabad asin 150 kilometro (93 mi) an rayo bandang subangan kan Peshwar sa altitud na 1,250 metro (4,134 piye) asin ini an kabesera kan Distrito Abbottabad. An siyudad bistong gayo sa marayrahay na panahon niya, mga institutsyon sa edukasyon na halangkaw an kalidad asin mga kampo nin militar. [2]
Kan Mayo 2, 2011 an Abbottabad nailawan na gayo sa bilog na kinaban kan si Presidente Barack Obama kan Estados Unidos pigbalangibog na si Osama bin Laden nataraka' asin nagadan kan pwersa militar kan Amerika igdi sa siyudad na ini kun asin si bin Laden nagpapa'ili.
Agi-agi
[baguhon | baguhon an source]An banwaan nin Abbottabad, kan ini nasa pamomoon kan Raj na Briton, iyo an nagsirbeng kwartel kan Distrito Hazara sa panahon na sakop pa kan Britanya an Indya. Ipigngaran ki Komandante James Abbott, ta siya an nagpundar kan banwaan asin kan distrito kan Enero 1853 pakatapos na mapasakop an Punjab. Siya nagtener bilang enot na Deputy Commissioner kan distrito Hazara poon 1849 abot Abril 1853. Si Abbott natotomoyan bilang iyo an nagsurat nin sarong rawitdawit tituladong "Abbottabad" bago siya nagbalik sa Britanya kun saen ipighayag niya an saiyang pagkamoot sa banwaan na ini asin mapongaw na babayaan na niya. Kan amay nin ika-20ng siglo, an Abbottabad nagin sarong kampo militar asin sanatorium asin nagsirberng kwartel kan brigada kan Ika-2ng Dibisyon kan Northern Army Corps. An garison pinagbilog nin apat na batalyon nin mga tinubong infanteria (mga Gurkha) asin apat na grupo nin pwersa armadang tagaduman mansana.
