Abu Bakr al-Baghdadi

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Si Abu Bakr al-Baghdadi[1]

Si Ibrahim Awwad Ibrahim Ali al-Badri al-Samarrai (Arabo: ابراهيم عواد ابراهيم علي البدري السامرائي‎), dati nabibisto sa pangaran na Dr. Ibrahim asin Abu Dua (أبو دعاء) pero mas midbid sa bansag na Abu Bakr al-Baghdadi (أبو بكر البغدادي) asin ngonyan inaapod nang Kalifa Ibrahim (الخليفة إبراهيم) iyo an Pamayong Kalifa asin hadeng absoluto kan sadiring-bantolin na Estadong Islamiko (Arabo: الدولة الإسلامية‎) namomogtak sa habagatan nin Irak asin norte-subangan nin Sirya asin siya an dating lider kan Estadong Islamiko nin Irak asin Levant (ISIL).[2]

An pagtogdas kan Estadong Islamiko nin Irak asin Levant ipigbantolin kan Abril 8, 2013 sa sarong pahayag ni al-Baghdadi. Ini an kagribay sa grupong militante na Islamikong Estado nin Irak (ISI) (aka Al-Qaeda sa Irak o AQI) na iyo an sanga kan internasyunal na militanteng Islamikong organisasyon nin al-Qaeda.[3]

Kan Oktobre 4 2011, an Departamento Estado kan Estados Unidos pinaglista si al-Baghdadi bilang sarong Napapalaen na Teroristang Pangkinaban (Specially Designated Global Terrorist) asin pig'anunsyo an papremyong $10 milyon sa impormasyon na magpapasiring sa saiyang pagkadakop o pagkagadan. Sinasabing si Ayman al-Zawahiri sana, an pamayo kan pangkinaban na Organisasyon al-Qaeda an sinapawan nin $25 milyon na papremyo.[4] Siya nabareta na nakulong nin apat na taon kan militar nin Estados Unidos sa sarong kampo para sa mga insurgente rehiyon nin Bucca sa may habagatan kan Irak asin pinaluwas kan taon 2009.[5]

Kan petsa 29 nin Hunyo 2014 ipigharubay an pagkatogdas nin Kalifato. Si Al-Baghdadi nanombrahan na kalifa kaini, na madarang pangaran na Kalifa Ibrahim. An hirong ini pigtuyaw nanggad kan mga gobyerno sa Tangang Subangan asin kan ibang mga grupong jihadista.[6]

Si al-Baghdadi may doktorado sa adal Islamiko sa sarong unibersidad sa Baghdad.[7]



Toltolan[liwaton | liwaton an gikanan]